Tura, March 8: Meghalaya Tourism Homestay Expo-ko District Auditorium Turao ong·ataha, aro uona ritchani ritcha Homestay, Resort aro Hotel chalaigiparang namen gisik nangtoke bak ra·na re·batokaha.
Ia Expo-ko ong·atanio dingtang dingtang departmentrang, jekai Tourism, DCIC, Meghalaya State Skill Development Society (MSSDS), aro apsan kamko jako ra·giparang, jekai MTIME Meghalaya & Airbnb bak ra·toke sokbagipa manderangming agan-chanchirimaha.
Meghalaya Tourist Information Management and Engagement (MTIME) app-ni bidingo Expo-ona sokbagipa darangan namnike aganaha.
MTIME app-ko jakkale mai mai namgnirangko man·gen, homestay schemerangko banoniko aro maikai man·a, manderangko maikai salbana man·gen, uandakgiparangko golpoe chanchirimaha.
“Homestay chalaina sorkarini dakchakaniko ra·giparangna, tangka-paisako maikai namedake jakkalna nanga uko agane skie on·na chinga re·baaha. Dakchakaniko ra·giparang maidake nokrangko tarina aro tangka paisako jakkalna u·itokjani gimin dal·rorona man·ja. Uni gimin, mikkangchide ia kamna dakchakaniko ra·giparang u·igipa dolrangni ku·pattianiko ra·na man·gen, aro kamrango chu·sokgen” ine Design & Development Firm-ni Lionel Suchiang Hub News-na dingtangmancha aganaha.
“Ia Expo-o u·ie-ma·sie ra·anirangko anga namen chu·ongnikjok. Anga ia MTIME appni giminba u·ijani gimin touristrangko phone ka·e aro uamangni lekkarangko scan ka·esa thana-na on·achim. Da·ode ia app-ko jakkalen kam altubegnok” ine Do·patchi Homestay-ko chalaigipa Dharmen G Momin kusi ong·e aganaha.
Na·simang ia video-koba nina man·gen:
Na·simang iakoba poraie nina man·gen: Jowai-o Urban Health Centre-ko Dr. Ampareen nokdonggae on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
