Jowai, Mar 8: Sukrobar salo, Health & Family Welfare-ni incharge Minister, Dr. Mazel Ampareen Lyngdoh, West Jaintia Hills a•jani Jowai-o rikgimin Lumkyrwiang Urban Health Centre-ko nokdonggae on•angaha.
Ia tom•anio Dr. Ampareen aganengon, ua songsalo songdongenggipa manderangni namgnina, ia Urban Health Centre-ko rikna a•arangko on•ahanina, Kur Soo Kpoh Khadar Wyrnai-ko mitelpilskaaniko dakangaha.
Indake, International Women’s Day-ko maniani salo ia health centre-ko donggae on•a man•ania, dingtangmancha songsalo janggi tangenggipa me•chikrangni namgnina aro an•seng baljokanina on•kange dongdikaniko mesoka ineba ua agandapataha. Ua, an•seng baljokanina namgipa nirok sandiani bidingo, me•chikrangni bil man•ani gimin aro pangchakani katta bichong, me•chikrangni janggi tangani gadangrangko tarake namroro silroroatanio on•pilpana, me•chikrangni man•gni bilrangna chakpaaniko on•a aro me•chikrangna ka•sachakaniko on•a nangani giminba agantalate on•angaha.
Una agreba, pilak sanna bananiko dakenggipa staff nurse-rangko, dal•drobaenggipa bi•sarangko nirokbatchina, mongsongbate dal•drobaenggipa me•chik bi•sarangna, bilsini kri namgipa nirok simsakaniko on•china aro me•chik bi•sa ong•e be•en bimangni gita dal•roroani gimin aro gisikni gita an•seng baljoke dongani gimin skie on•aniko dakchina ineba Health Minister didiataha.
Unbaksana, ia centre-o samrangko donaniko komiatjachina jedakode somoi gita nanganina on•a man•gen ineba ua Pharmacy-rangko didiataha.
Na·simang ia video-koba nina man·gen:
Na·simang iakoba poraie nina man·gen: SWGH International Women’s Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
