30.6 C
Tura
spot_img

SWGH International Women’s Day-ko mania

Must read

Ampati, Mar 8: A•gilsak gimiko International Women’s Day-ko maniengon, South West Garo Hills a•jaba, me•chikrangni chu•sokanirangko, me•chikrangni an•seng baljoke dongani gimin aro mikkang niteanirangna ja•ku de•ani gimin u•iataniko on•a inenba, Sukrobar salo, Betasing C&RD Block-ni ning•o ong•gipa Baispara songo International Women’s Day-ko maniangaha.

Advertisement

Indake, ia manianiko, “Invest in Women: Accelerate Progress” ba “me•chikrangni janggi tangani gadangrangko tarake namroro silroroatani” ine katta bichongko donenba, South West Garo Hills, Ampati-ni Department of Social Welfare manidilangaha aro ia manianio, dingtang dingtang Department-rangni official-rang, bading chiwalaniko dakenggipa me•chikrang, me•chik dolni self help group-rang aro songni nokmarangba re•bae bakko ra•angaha.

Advertisement

Ia manianio mongsonggipa sokgipa aro resource person, Betasing PHC-ni incharge MHO, Dr. Midrose R Marak, me•chikrang nokdangni aro songsalni krongrang ong•a, aro ia krongrang bilgrigipa ong•genchimode nokdang ba songsalba be•gruna altuani gimin me•chikrang be•en bimang aro gisikni gitaba an•sengbaljoke dongna nangchongmotani gimin kan•dike talate on•angaha. Indake, saoba me•chikrangoni be•en bimangni gita an•sengjaenga ong•ode, uarangko maikai naljoke rakkina man•gen aro be•enni gita ranta ka•rongani gimin aganan baksa, sepangbatgipa healthcare centre-rangona re•angenba be•entangko porikka ra•e nirongchinaba ua didiataha.

SWGH celebrates International Women’s Day

Indake, District Social Welfare Officer, Z. R. Marak-ba, ia manianiko, nambate aro bilakbate songsalko rikna, me•chikrang saksa sakgipinna dakchakgrikna nangani gimin aro songsalo me•chikrangni neng•nikanirangni gimin u•iataniko on•a mangsonge ong•atenga inenba aganaha.

Una agreba, DCPU Ampati-ni Legal-cum-Protection Officer, Tanya D. Ch. Marak, me•chikrangni kosako doka satanirangchi saknaatani, aro iarang maini gimin ong•enga aro iarangko maikai champengsoe chelchaksona man•genchim, uko talatan baksa, me•chikrangni man•gni bilrangni gimin aro saoba me•chikrangoni dakchakaniko nanggenchimode, dakchakaniko on•a gita Ampati-o One-Stop Centre-koba songaha inenba aganataha.

Advertisement

Una agreba, me•chikrangni man•gni PMMVY scheme-rangni gimin aro ia scheme-rangko an•o gnanggipa ma•giparang maikai man•genchim, iarangni gimin, District Hub for Empowerment of Women-ni DPC, S. J. R. Marak talate on•angskaaha.

Ia International Women’s Day-ko Betasing Block-o maniengani gisepon, apsan dake Rerapara-ni CDPO-ni gita Rerapara Block-oba maniangaha.

Na·simang ia video-koba nina man·gen:

Na·simang iakoba poraie nina man·gen: Guwahati-oba Int’l Women’s Day-ko manianga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article