Shillong, Sep 16: ‘Gau Dhwaj Yatra’ ba matchu den•ani aro cha•aniko champengna dolsa Hindu manderangni re•jomaniko ong•atna manchienganiko Sombar salo, Meghalaya a•dokni Education Minister Rakkam A Sangma jegalatenba, ian ia manderangni an•tangtangko ‘skia man•gijagiparang’ ine mesokanisa ong•enga ine parakataha.
Matchu den•ani aro cha•aniko champengna gita jinma re•jomaniko ong•atna manchiengani gimin ia Hindu dolko jegalatengon, ian ia manderangni India a•songni jakgitelaniko, dingtang dingtang jatrangni ku•mong nangrime songdong a•chaaniko aro niam bidiko toromrangna on•gimin bilko ma•sigijaniko mesokanisa ong•a ine Sangma parakataha.
Ia manderangni ja•ku de•aniara an•tangtangko India a•songni manderang ine mingna kraatgijanisa ong•a ine janapatskaengon, a•songni niam bidikko name poraichina aro ma•sie ra•china gita a•dokni Education Minister, ia Hindu dolko didiataha.
Ua an•tangko man•chape Meghalaya a•dok gimikon manderang matchu be•enko cha•na namnikgiparang ong•a ine talataniko on•angskaengon, India a•songo darangba darangni cha•ani ringaniko champengna bil dongja ine Sangma parakataha.
1987 bilsio Tura-ni gitcham MP Purno A Sangma sagini Parliament-o, a•songo songdongenggipa manderangni cha•ani ringaniko champengna man•ja ine jera ra•anikoba Rakkam janapatjolaha.
Matchu den•ani aro cha•aniko champengna gita Gau Pratishtha Andolan (GPA) minggipa Hindu dol, re•baenggipa October-ni 2 tariko re•jomaniko ong•atna manchiengachim.
Na·simang ia video-koba nina man·gen:
Na·simang iakoba poraina man·gen: Meghalaya a•dok, dam 532 biaprango chi chimongchakram biaprangko rikna tangka gong crore 515-rangko jakkalanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
