Shillong, Sep 27: Re•baenggipa October-ni 2 tariko ‘Gau Yatra’ ba matchurangko chel•chakna gita jinma re•jomaniko ong•atna manchidilenggipa Gau Dhwaj Sthapana Bharat Yatra-ni dilgiparang, Shillong airport-ona sokbaenga ine koborko man•soani ja•man Sukrobar salo, Khasi Students Union (KSU), Hynniewtrep Youth Council (HYC) aro Hynniewtrep Integrated Territorial Organisation (HITO)-ni membor-rang, Shillong airport-ona re•ange, uamangko champengsona gita airport-o jinma tom•chimongtokaha.
Hindu Yatra-ni dilgiparangko champengsona gita ritchani ritcha NGO-ni membor-rang airport-o tom•chimongtokahani gimin maming so•sojengjeng ong•anirang dongjana gita bakan Ri Bhoi a•jani District Administration, ua biapona sipai dolrangko magistrate baksa watataha.
Indake ong•genchimoba, ia Hindu Yatra-ni dilgiparang September-ni 28 tarikosa sokbaengaha ine Sukrobar salni 1:00 bajimango koborko man•soani ja•man maming so•sojengjeng ong•anirang dongjana gita ia Hindu Yatra-ni dilgiparangko Shillong Airport-ona re•bana on•jawaha in Ri Bhoi a•jani District Administration, NGO-rangni dilgiparangna u•iataha.
Ia Hindu Yatra-ni dilgiparangko Shillong airport-ona re•bana on•jawa ine District Administration-ni ku•rachakaniko man•e ja•mano dolgittam NGO-ni membor-rang, ua biaponi re•angpiltokaha.
Na·simang ia video-koba nina man·gen:
Na·simang iakoba poraina man·gen: Gnigipa changna Inter Church Father’s Fellowship Football Tournament-ko ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
