Guwahati, May 28: Congress-ni MP Gaurav Gogoi, 2013 bilsio uni jikgipani Climate Project-ni bidingo Pakistan-ona re·anga ine ku·rachaka jaman Assam-o politics-ni gita nanggrikani a·bachengaha. New Delhi-ni AICC Office-o kobor ra·timgiparangna aganengon, Skotong Minister Himanta Biswa Sarma, uko matnangna gita uni songreaniko “C-grade movie” dakatenga inenba Gogoi aganangaha.
Iani gisepon, Gogoi, Pakistan-ni sorkari baksa bak donga ine mesokna gita uo mangrakgipa sakki donga ine Skotong Minister Himanta Biswa Sarma aganangskaaha. Special Investigation Team (SIT), iani bidingo name dake nianiko dakangaha aro September jani 10 tarikode chu·gimik report-ko jinmana parakatgen ineba Sarma u·iatangaha.
Gogoi-ko kenbegnigipa mande ine aganeba, uko politics-o re·bana dakchakaniko on·anina Sarma, Congress dol aro Rahul Gandhi-ni kosako matnanganiko dakataha. Assam aro India a·songni manderang chu·gimik kakket kattako u·ina nanga aro jemangan iano bak dongpaachim darangkoba kema ka·ani dongja ineba ua janapataha.
Indake ong·engon, iarang pilakan election sepangani gimin uni kosako tol·e matnanganirangsan ong·aia ine Gogoi aganchakaniko dakangaha. BJP dol indita bilsirangna Assam aro ma·mong sorkariko sason ka·baengaha, indiba da·osa ia kattarangko maina ra·baenga ine Gogoi sing·doanirangko dakataha. Dal·dalgipa neng·nikanirang jekai Enforcement Directorate-ni niamgri koela badingsrukaniko am·sandiani bidingo manderangni gisiko bringbrangatna jotton ka·enga ine Gogoi, Sarma-ni kosako matnangataniko dakatskaaha.
Dolsa dolgipinko matnanggrike dongani gisepon, SIT-ni report re·baenggipa Assam election-o dal·begipa neng·nikanirangko ra·banaba gnang.
Na·simang ia video-koba nina man·gen:
Na·simang iakoba poraina man·gen: Sahakar Bharti ni skanggipa Organisational meetingko Tezu Lohoi-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
