Shillong, Dec 28: Ri Bhoi a•jani Palingkata Police Station-ni ning•o donggipa, Lalmati songni Airtel Tower-oni ge 25 battery-rangko cha•uanina sak 2 manderangko, December jani 26 tariko rim•aha.
Ia rim•a man•gipa manderangara, Lalmati-oni Pewarson Marak aro Umdem-oni Bipul Marak ong•achim.
Indake, dosi gnanggipa manderangko rim•ani bakan, Assam a•dokni Bynrihat, Amtola-o donggipa nokoniko am•sandianiko dakon, battery-rangko man•jahachim. Indake ong•engon, ia battery-rangko gipin biapo donue donenga ine police-rang chanchipenga. Iani gisepon, ia nokni nokgipa joke katna gita jotton ka•enga ine nikna gita man•a.
Indake ong•genchimoba, cha•ugimin battery-ko ra•angenggipa AS 01 NC 9804 gari no.ni pickup truck-ko Police-rang rim•na man•aha aro Airtel Company-ni gimae dongkuenggipa ge 24 battery-rangkoba, police dolrang am•sandianiko dakangkuenga.
Iakoba poraie nina man·gen: Police-rangni sasti on·e roani a·selsa sia ine Dipankar Gogoi-ni nokdang matnanga
Watch
