Guwahati, Feb 25: Assam a•doko Gross Enrolment Ratio (GER)-ko bariatna gita salgro salaram jolo damsamangmang donggipa Krishna Kanta Handique State Open University, Dudhnoi College Study Centre aro Garo Students Union (GSU) Assam State Zone baksa awareness campaign-ko Nishangram Cultural Bhawan-o ong•atangaha.
Ia awareness campaign-ko ong•atani bidingo University-ni official-rang, kobor ra•timgiparangna talate on•angengon, Assam-o chubata gadangrango poraiani Gross Enrolment Ratio (GER)-ko on•gilpana Krishna Kanta Handique State Open University-ni dingtang dingtang academic program-rango biming segataniko bariatna gita batanggimin bilsigni gisepo dingtang dingtang ja•kurangko de•chakataha ine parakataha.
Da•o dipet a•dokni higher education-na biming segatanio ia University-ba 12 percent-mangni gita on•gilpaenga ine janapatengon, National Education Policy (NEP) 2020-o dongimin niam gita 2035 bilsini gisepo GER-ko changgni bariatna ia University, pilak nanga ja•kurangko de•enga ine University-ni official-rang parakataha.
Da•o dipet Krishna Kanta Handique State Open University-o ming 15 post graduate program-rang, ming 11 under-graduate program-rang, ming 15 diploma aro ming 11 certificate program-rangko on•enga aro sak lak 1.5-na baten chatro chatrirangko biming segataha ineba University-ni official-rang aganaha.
Ia University-o on•enggipa dingtang dingtang program-ni namgnirangkoba official-rang agan-talate on•angaha.
Na·simang ia video-koba nina man·gen:
Na·simang iakoba poraina man·gen: MDC election-o NPP-ni vote man•ani lak 2.80-chi bariaha: Dhar
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
