Tura, Aug 30: Garo Hills Autonomous District Council (GHADC)-ni gital Executive Committee-ni tangka-paisarangko chamani bidingo skanggipa Budget Session-ko re·baenggipa September 6 tariko Tura, Council Session Hall-o ong·atgen ine Council-ni Chairman Pa Rakesh A Sangma, Sombaro u·iataha.
GHADC office-oni Chairman Pa Rakesh A Sangma-ni u·iatani gitade, district council-ni gnigipa tom·anikoba September 6 tarikoni ong·atpiltaigen.
Council-ni tom·ani ba session-ko re·anggipa July jaon a·bachenganide ong·jokchim, indiba Tura songjinmao Covid sagiparang bang·anichi aroba district council-ni staff-rang aro officerrang baksana Chairman aro Executive Member Pa Benedic R Marak, an·tangba Covid sabisiko man·eming noktangoni ong·katgija sakgipinrangoni chel·tange dongna nangahanichi iako dontongatchengna nangao ga·akahachim.
