Shillong, Jun 5: Madhya Pradesh a•dokoni re•bae Sohra jolo gimagipa tourist sakgnioni saksa Raja Raghuvanshi-ni sogimin manggisiko adita salrangna skangan man•ahaoba, uni jikgipa Sonam Raghuvanshi-kode man•kujaengani gimin sandienggipa dolrang, uko Sohra-ni diltubegipa buringrangoniko sandikuenga.
Gimaenggipa tourist-ko sandianio police-rang, NESAC-ni drone-rangkoba jakkalenga aro drone-chi video ka•aniko nikna man•ani gitade, ia biaprangara namen ga•nangjani gimin gimakuenggipa me•chikko sandianio namen neng•nikanirangko chagrongna nangenga.
Drone-chi ka•gipa video-rangko an•ching Hub News-oniko niksona man•enga.
Ia biaprangara namen buringrara dakgipa aro a•silangrara dakgipa biaprangsa ong•e gimaenggipa me•chikko sandianio sipai dolrang neng•nikanirangko chagrongna nangtokenga indiba sipai dolrang, dontonggija uko sandikuenga.
Gimakuenggipa me•chikko sipai dolrang sandikuengon, uni segipa Raja Raghuvanshi-ko so•otani bidingoba police-rang bilaken am•sandianirangko dakenga aro dos dakgipa manderangko rim•na rakbee kamko ka•enga.
Indore songjinmaoni bia ka•daldale re•bagipa Raja Raghuvanshi aro uni jikgipa Sonam, Sohra jolrango rona re•baani ja•man gimaangahachim.
Raja-ni manggisikode adita salrangna skangan a•silang damsaoniko man•aha indiba uni jikgipakode da•onan man•kujaengani gimin sipai dolrang, uko bilaken sandikuenga.
Na·simang ia video-koba nina man·gen:
Na·simang iakoba poraina man·gen: M’laya Assembly-o bolrangko ge•e World Environment Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
