Shillong, May 7: A·doko rel gariko ra·bagenchimode gipin jatrang aro a·palni manderang altuae napna man·gnok ine Meghalaya a·dokni adita manderang agane iako jegalsoenga. Indiba a·doko gipin a·songoni napdrabagiparang aro gipin a·dokni manderanga rel gari gitasan napani chol ong·aija, rel gariko ra·napjaoba a·doko napenga. Unigimin rel garini a·sel gipin a·dok aro a·songni manderang napenga ine agana man·jawa ine Education minister Pa Rakam A Sangma aganaha.
An·chingni a·dokara Bangladesh baksa sepangchapgipa a·dok ong·a, uni a·selan niam gri napdrabagiparangde dongtelaia. Unigimin rel gariko Baghmaraona ra·baanina anga chu·gimik chakpaaniko on·enga ine minister aganaha. Rel gariko Baghmaraoni Dhaka songjinmaona re·atani indita nangchongmota ong·janaba gnang. Indiba dal·roro silroroaninia India a·songni gipin a·dokskarang baksa nangrimgrikani aro bading-chiwalaniko namdapatanina dakchakbeani ong·gen ineba minister aganaha.
“Niam gri napdrabagiparang, ia bus garini, rel garini ba sildorengrangni a·sel ong·ja. An·chingni Sima-arirang gita uamang altuaen napna man·enga. West Garo Hills-o hajalni hajal gipin jatrang gnang. 2011 bilsini censusni gitade South Garo Hills-o sak 11,000, North Garo Hills-o sak 8000 aro West Garo Hillso sak lak 3.5 gipin jatrang gnang” Sangma aganaha.
Napdrabagiparangko champengnade an·chingo sixth schedule gnang, iarangchin an·ching kam ka·na man·aigen. An·chingo Rangbah Shnong, Nokma, District Council rang gnang iarangan an·chingni riti-dakbewalrangko ripingna, a·dok-chigako nirokgiparang ong·a. Uamangchin ia niam gri napdrabagiparangko an·ching chekna man·aigen ineba Pa Rakam aganaha.
Na·simang ia video-koba nina man·gen:
Na·simang iakoba poraina man·gen: Conclave-o gital Pope-ko seokaniko dakanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
