Shillong, Dec 8: Gipin a·songrango kamrangko ka·e cha·na sikenggipa a·dokni chadamberangna, nursing, MBBS aro dingtang dingtang kamni certificate-rangko on·dapna man·na gita a·dokni damgittam biaprango Skill Lab-rangko sorkari kulina miksongenga.
Ia skill lab-rangko, East Khasi Hills a·jani Shillong, West Garo Hills-ni Tura aro West Khasi Hills a·jani Nongstoin-o kulina miksongenga.
Iani bidingo kobor ra·timgiparangna talataniko on·angengon, a·dokni chatro chatrirang, gipin a·songrango kamrangko ka·e cha·pana cholrangko man·na gita iandakgipa skill lab-rangko nangchongmotenga ine a·dokni Health Minister Ampareen Lyngdoh parakataha.
“Korea, Japan, England aro Singapore a·songrango kam ka·giparang chu·ongjaenga ine nikna man·enga aro ia skill lab-rangko Shillong, Tura aro Nongstoin-o kulianichi chatro chatrirang, dingtang dingtang kamrangni gimin skie ra·dapenba, ia a·songrango kamrangko ka·e cha·pana cholrangko man·naba gnang,” ine Lyngdoh aganaha.
Da·o dipet ia skill lab-rangna proposal-ko a·bachengmitingsan ong·kuenga ine janapatengon, ia skill lab-rangko kulina gita sorkari, biaprangkode seokmanaha ine Lyngdoh parakataha.
Iani bidingo a·dokni Chief Minister baksa agangrikenga aro chatro chatrirang gipin a·songrango kamrangko ka·e cha·na cholko man·na gita a·dok sorkari, Labour department baksa nangrime ia skill lab-rangko a·dokni damgittam biaprango kulina miksongenga ine Lyngdoh parakataha.
Na·simang ia video-koba nina man·gen:
Na·simang iakoba poraina man·gen: Hornbill Festival-ni bilsi 25 gapaniko manienga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
