Mizoram, Oct 21: Sukrobar salo, Re•baenggipa November 7 tariko ong•nasienggipa Mizoram Assembly Election-o Congress-ni gita Mizo me•chik jean gipin jatko bia ka•gimin ong•achim, uko seokaniko jegalenba Mizo Zirlai Pawl (MZP) dolni gita re•jomaaniko dakangaha. Ia re•jomaaniko dakengon MZP dolni palo aganchakenggipa Ricky Lalbiakmawia, je Mizo me•chikrangan gipin jatko bia ka•aha uamangko je eleksin-oba susana on•jawa aro ia jingjengataniko chinga rakbatatgen ine jinmana parakataha.

MZP dol ba jekon Mizo Students’ Association ineba mingachim, uamang batanggimin bilsini December jao aro ia bilsini August jao, gipin jatko bia ka•gimin me•chikrangko November 7 tariko ong•nasienggipa eleksin-o susaanio seokpajachina ine pilak political party-rangko mol•molahachim. Indake ong•genchimoba Congress party ia mol•molaniko knachakjaha ine Lalbiakmawia kobor ra•timgiparangna aganaha. “Chinga Mizo jatni dakbewal rikbewalrangko aro bimungko ripingna gita on•kange kamrangko ka•enga” ineba ua agandapangaha.

Opposition party Congress-ni gita sakgni me•chik candidate-ko seokaha, uan Lunglei South Assembly Constituency-o susana gita Meriam L. Hrangchal-ko seokaha aro sakgipin candidate-ara Vanlalawmpuii Chawngthu-ni gitcham minister ong•achim.

Hrangchal-ni segipa aro uni chatchi maharirang Gorkha jatni deritchu su•ritchurang ong•genchimoba 1950 biksirangna skangan Mizoram-o songdong a•chagipa ong•a.

Hrangchal-ko gipin jatko bia ka•aha ine Election Commission ni gita Sonibar salo nomination file ka•ani somoio jegaljagenchimode, ua Lunglei South Assembly-o susaana gita man•aigen ine Congress-ni dilgipa aganaha.

Iakoba poraie nina man·gen: West Jaintia Hills-ni Iawmusiang sub-centre-ko nokdonggaa

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub