29.2 C
Tura
spot_img

Gipin jatko mikchepa ine tol·e matnanganina FKJGP jegalanga

Must read

Shillong, Oct 29: A·dok gipinoni manderangko Majai-Bholaganj jolo onchep-mikchepe dakanirang dongenga ine tol·e matnanganirangko jegalenba Sohra circle-ni Federation of Khasi Jaintia and Garo People (FKJGP)ni memberrang mni Mongolbar salo re·jome jingjengataha.

Ua jolo songdongenggipa gipin jatrangko mande minggija ong·gija dakanirang dongenga ine matnange adita salrangna skang Meghalaya a·dokni Governor-ko gronge memorandum-ko on·anggipa sakgittam manderangni  kosakoba ua dol jegalangaha. Sub-Divisional Officer-ni office-china jinma re·jomaniko unsalo dakanganio FKJGP Sohra circle-ni memborrang baksa Southern Riwar Zone-oniba bakko ra·angpaaha.

Ichamati-o ong·anggipa mamlao pangchake a·doko jatsa-jatgipinni gisepo kajia-golmalko ra·bana am·anio niamo bil gnanggipa uamang sakgittamkon bakbak rim·na nanga ine uamangni dabiangako FKJGP Sohra Circle-ni general secretary, Carlos Kharmih koborni manderangna u·iatjolaha.

Janapjolna gita, mija October 15 tariko gipin jat sakgittam manderang – Prantush Sarkar, Mridul Das aro Binayak Roy, iamang Majai jolo songdongpaenggipa Bengali jatni kosako onchepe dakanirang dongenga ine matnangenba a·dokni Governor-na memorandum-ko on·anga baksana uni copy-rangko a·songni President Pa Ram Nath Kovind, Prime Minister Pa Narendra Modi aro Home Minister Pa Amit Shah-maang gimiknaba on·angjolaha.

Translated by Jen Benard K. Marak

spot_img

More articles

spot_img
-->

Latest article