Guwahati, May 7: Assam a∙doko gital sorkariko rikna ku∙mikchete ra∙anirangko May 12 tariko pringni 11 bajio Khanapara-o dakanggen ine Assam-ni BJP president Dilip Saikia Bristibar salo parakataha. A∙songni Prime Minister Narendra Modi mongsonggipa sokgipa ong∙e re∙bagen aro unbaksana Union Home Minister Amit Shah aro BJP-ni national president Nitin Nabin baksa gipin a∙gipi dilgiparangba ia tom∙anio bak ra∙anggen ine ua agandangapaha.
Ia tom∙bimonganio lak sa-na baten manderang re∙bae bak ra∙anggen ine ua aganenba, ua salo pringni 9 bajio Khanapara-ona re∙bae tom∙dakechina jinmarangko mol∙molangaha.
“Assam a∙doko ian gittamgipa changna BJP-ni dilanichi NDA sorkariko rikani ong∙enga, aro chinga manderangko uamangni nama skaniko on∙china mol∙molata. Chinga krengbate aro nambate Asssam-ni manderangna dangdike on∙na ine on∙kange ra∙enga aro Assam-ko nambata gadangona sokatanian chingni miksongani ong∙a” ine Saikia parakataha.
Ia tom∙bimonganiara seokgimin dilgiparangna bilko on∙anisan ong∙aija indiba re∙baenggipa term-na skang sorkarina manderangni bakrimaniko mesokaniba ong∙enga ine BJP-ni dilgiparang aganangaha.
Na·simang iakoba nina man·gen:
Na·simang iakoba poraina man·gen: Salgro Salaram a∙dokrango hotelrangko rikdapna Hotel Palacio kror ₹800 tangkarangko chamsoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
