Shillong, Jan 17: January jani 16 tariko, Gujarat University (GU) aro Meghalaya-ni North-Eastern Hill University (NEHU), National Start Up Day-ni salo India a•songni Salaram aro Saliram-ni ku•mong nangrimaniko mesokani gita mongsonggipa bakrimaniko a•bachengataha.

Lekka pora bidani, gital chanchibewalni aro jatni dakbewal rikbewalrangara dingtang dingtang jolrangko apsan nangrimatna gita dakchakgen ine gisikko on•enba, Sustainable innovations in Natural Farming and Agribusiness : Bridging Cultures and Practices,” ingipa katta bichongko done ia tom•bimonganiko Ahmedabad, Gujarat University-ni Maharshi Sushrut Auditorium-o ong•atangaha. Ia workshop-ko NEHU-ni BioNEST BioIncubator-ni dilanio Indian Institute of Sustainability Meghalaya aro Gujarat University baksa ong•atangaha. Chatro chatrirang baksana skigiparang, aro bading chiwalgiparangko man•chape sak 200 ia tom•bimonganio bak ra•angtokaha.

Gujarat University-ni Vice-Chancellor Dr. Neerja Gupta, a•songni namroro silroroanina aro ku•mong nangrimanina dingtang dingtang a•dokrangko apsan ra•bana nangchongmotani gimin aganangan baksana, ia bakrimaniko ua an•tangtangni u•i ma•sianiko saksa sakgipinna u•iatskaani aro dingtang dingtang jatrangni gisepo bading chiwalanirangko ra•doanina dal•begipa ja•ku de•chengani ong•enga ineba aganataha.

NEHU BioNEST-ni Dr. B.K Mishra, NEHU-ni badingchiwalanio bilakbegipa itihas-ni gimin  aganengon, IIT Gandhinagar-ni Prof C. N. Pandey, game ge•e cha•anio a•gilsak gimikni neng•nikanirang aro samrangko jakkalgija pangkamgipa gama ge•anirangko dakna nangchongmotani gimin aganangskaaha.

Kamdhenu University-ni Dr. Subrota Hati, bioactive peptides ba mesu samjakrangna jakkalgipa samrangko gital namdapatani gimin aganengon, GLPC-ni Kalpesh Parikh, Agritech industry-o man•gipa cholrangni gimin aganangskaaha.

IIM Ahmedabad-ni Prof. Ranjan Ghosh, gama ge•ani bewalrangko tang•dobatatani gimin aganangaha aro IIS, Gujarat University-ni R.C Upadhyay, jolo man•gipa dingtang dingtang dambongrangko ge•anirangko dakanichi songo noko donggipa manderangni janggi tangani gadangko maikai tangdobatatna gita man•genchim uni gimin u•iatangaha.

University damgnini chatro chatrirangan, India a•songni dingtang jatrangni gisepo mande ra•grikani aro meli nangrimaniko ra•doani bak gita chrok mesaani, git ring•ani aro poedo minganirangko dakangaha.

NEHU-ni dolrang, Gujarat Biotechnology University, Gujarat Vidyapeeth aro IIT Gandhinagar-rangona re•angaha. Ia tom•bimonganio mongsonggipa chu•sokaniara uan IISM aro Dr. Skill-ni gisepgriko, Bharat@2047 vision baksa apsan changa sapaniko namdapatani aro tang•dobatataniko ra•bana miksonganio MuO soi ka•anian ong•a.

Gujarat University-o IIS-ni Director ong•enggipa, Mr. Sudhansu, ia bakrimaniko mikkangchi lekka pora bidani aro mongsonggipa neng•nikanirangko olgrokatna gita badingchiwalanirangko ra•baanio pangchakani ong•a ine aganangaha. NEHU-ni Prof. Deepak Bhagat, Gujarat University-ko ia tom•bimonganiko nambee ong•atahanina aro ka•sae sokachakahanina mittelangaha.

Na·simang ia video-koba nina man·gen:

Na·simang iakoba poraina man·gen: Rongadatgre Phulbari-o Health Camp-ko ong•atanio Eye and ENT checkup-ko ka•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub