Shillong, Dec 11: Meghalaya a·dokni Mawdiangdiang-o donggipa gital Meghalaya Legislative Assembly building-o re·baenggipa December jani 19 tariko skanggipa changna Pre-Christmas-ko manianggen.
Speaker Thomas A. Sangma aro Deputy Speaker Limison D. Sangma, Bristibar salo building rikani kamrang aro Pre-Christmas manianina tarisamsoanirangko nirokea gita a·gipibatgipa official-rang baksa re·angaha. Ian gitalgipa buildingko rikchengaoni skanggipa changna official program-ko ong·atchengani ong·enga.
Ia re·ange nianio mongsonggipa name nianiara bijoliko man·anian ong·enga. Speaker, gital rikenggipa building-o chu·onga gita bijolirangko man·a gita kamrangko ta·rakatchina MeCEL-ko u·iataha. Iani gisepon, uamang Urban Affairs Department baksa a·ani bidingo neng·nikani gimin chanchirimaniko dakan baksana building-ko rika cho·ani kamrangko nirokeaha.
Department ge·antian maikai jinma baksa apsan nangrime kam ka·engachim aro High-Powered Committee (HPC)-ni gita manchisogimin gita project-ni kamrang matchotangengachim una kusi ong·aniko Speaker parakataha.
Ia re·ange nianio, Commissioner & Secretary Andrew Simons, Secretary Malthus S. Sangma, Executive Engineer, Technical Advisor, MeECL-ni official-rang aro Urban Affairs-ni dilgiparangba dongpaaha.
Ia building-ko rikchengmitingode, 2026 bilsini June jaon Assembly-ni mongsonggipa hall ba nokdringkode matchotatgnok aro uni jamanode Assembly session-ko gital building-on ong·atgnok inea Speaker u·iatahachim.
Na·simang iakoba nina man·gen:
Na·simang iakoba poraina man·gen: Da·roro kobor on·chenggija bijoli dondikatenganiko CM talata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
