Shillong, Sep 13: Batanggimin gitcham bilsirang baksa tosusae nigenchimode ia sal somoirango Meghalaya a·dok namen tom·tombataha ine Budbar salo, a·dokni gitcham Chief Minister aro da·o Meghalaya sorkarini Adviser ong·enggipa Dr DD Lapang parakataha.
Dr Lapang-ni parakatani gitade, batanggimin gitcham bilsirangode Meghalaya a·doko mande so·otanirang aro ma·manti dake so·sojengjeng ong·anirangko nikna man·rongachim indiba ia sal somoirangode Meghalaya a·doko iandakgipa obostarang gimaangaha.
Ru·utbea bilsirangna Meghalaya aro Assam a·dokni simarango ong·enggipa golmalrangni gimin sing·on, iandakgipa neng·nikanirangko namatna gitade dolgni sorkarichipaknin ma·sichakgrikani aro on·kange kam ka·ani dongna nanga ine Dr Lapang parakataha.
National People’s Party (NPP)-ko ua salgro salaram jol gimikna ku·rang on·dilgipa dol ineba Dr Lapang mittelpile aganangaha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
