Tura, May 2: West Garo Hillsni Darechikgre songo gnigipa changna strawberry Festivalko ong·atangaha. Sukrobar salo ia salgnina ong·atenggipa Festivalko Turani gital Deputy Commissioner Shri Vibhor Agarwal oprake on·angaha indiba a·bachengani salon mikka-balwa rakdapanichi aro stilrang ga·akanichi ia program man·dikatako man·beaha.
Strawberryko a·jatango nambate ge·na aro nambata biterangko man·e janggi tangani cholrangko tang·doatna DC game-ge·e cha·giparangna didianiko on·e aganangaha. Oprakani somaio West Garo Hills a·jani District Agriculture Officer Thera Ch Marakba dongpae game-ge·e cha·giparangna bang·bea agan-ku·pattianiko on·angaha. Maharashtrani Mahabaleshwar ingipa biapko namgipa Strawberry rangko man·ani gimin mingsingbea. Unigimin ia a·dokoba nambatgipa strawberry biterangko ong·atna, a·dokko niksengatna, janggi tanganiko cholrangko ra·dona ian namgipa chol ong·a ine DC Vibhor Agarwal aganaha. Songo-noko iako dake cha·enggiparangna namedake nirok-simsake aro dakchakanirangko on·china Horticulture Departmentkoba ua didiangaha.
Ia Festivalko Meghalayan age Limited, State Tourism, Agriculture Department aro Artsourced nangrime ong·atangaha. Iako ong·atani miksonganiara a·dokni touismko ra·dona, songadam-nokadamrangko ra·dona aro game ge·e cha·giparangna nama cholrangko mesoke on·a ine ong·a.
Na·simang ia video-koba nina man·gen:
Na·simang iakoba poraina man·gen: 2025 bilsio Meghalaya-ona songrebagiparang lakh 20 gapna ka·dongsoenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
