Guwahati, Dec 11: Dingtang dingtang jatni daka rikaniko aro tourism-ko tang·doatna gita miksonganio, North East Aashirvad Foundation-ni gita gnigipa South-East Asian Cultural Confluence-ko December 8 tarikoni December 12 tarikona Guwahati songjinmao ong·atenga.

Ia South-East Asian Cultural Confluence-ko ong·atani bak gita December-ni 9 tariko dingtangmancha cultural program-ko Guwahati songjinmani Sankardev Kalashetra International Auditorium-o ong·atangaha, jeon dingtang dingtang a·songrangoni dingtang dingtang jatrang, an·tangtangni chrokanirangko, jinmana chrok mesae mesokangtokaha.

Ia South-East Asian Cultural Confluence-o India a·songni salgro salaram jol aro South-East Asian a·songrangni gisepo nangrimaniko maniengon, ian dolgninan dingtang dingtang cholrangko oe on·ani gita ong·engachim.

Ia tom·bimonganio Bangladesh, Bhutan, Nepal, Thailand, Indonesia, Assam aro Mizoram a·dokrang baksana US a·songoniba bakko ra·enga aro iano dingtang dingtang jatrangni gimin ma·sie ra·grikna gita seminar aro workshop-rangkoba ong·atenga ine ia program-ko ong·atenggipa doloni u·iataha.

Iakoba poraie nina man·gen: Rel garirangko ra·baani bidingo chanchirimna Jaintia Hills-o tom·aniko ong·atgen ine MLA paraka