Shillong, July 11: Re•anggipa July jani 4 tariko, West Garo Hills Tura-ni Niksamcheng Ch Marak-ko so•otani bidingo, Assam Goalpara-ni New Life Foundation Rehab Centre-ko chipatchina gita dingtang dingtang A•chik dolrang chongmotan, Garo Students’ Union (GSU), Goalpara Unit, Garo Jatya Parishad (GJP) aro Garo National Union (GNCR) dolrang apsan bakrimenba dabianiko dakangaha.
Goalpara a•jani District Commissioner (DC)-na apsan bakrime seatgipa lekkao, rehab centre-ko chipatchina badian baksana sianggipa nokdangni manderangna gamchinaba dabianiko dakangaha.
“Sianggipani nokdango uni jikgipa aro uni bilsi 4-san ong•kuenggipa degipa dongachim aro nokdangko uan aldumitanggipaba ong•paachim. Uni gimin chinga uni nokdangna on•pilskaaniko nangnika,” inenba DC-na seatgipa lekkao janape seataha.
Iani bidingo, da•o dipet Assam police dolrang sak 8 manderangko rim•aha. Indake ong•genchim ong•oba, New Life De-Addiction Centre-ni nokgipa, Rakibul Hussain baksana rehab centre-o dongpagipa saksako rim•na man•kujaenga.
Niksamcheng Ch Marak-ko, re•anggipa July jani 2 tarikoni rehab centre-o rim•e donahachim, indake July jani 4 tariko uko rehab centre-o dongpagiparang ka•saninggija so•ote galaha.
Mongolbar salo, Meghalaya a•dokni Skotong Minister Conrad K Sangma, A•chik chadambe saksako so•otanio mikkang nitegija kakket bichalko on•china gita Assam a•dokni Skotong Minister Himanta Biswa Sarma-o mol•molaniko dakataha.
Na·simang ia video-koba nina man·gen:
Na·simang iakoba poraina man·gen: MLCU-o Impact Week-ko ong•atanio Conrad bak ra•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
