Resubelpara, Sep 27: Budbar salo, North Garo Hills District Administration, Agriculture, Horticulture, Social Wefare, ICDS, MSRLS, District Medical & Health Office, MDBA aro MBMA bakrimenba, September jagimik manienggipa Poshan Maah-ni bak gita Banana Fest-ko Gokulgre songo ong•atangaha.
Ia program-ko ong•atanio, North Garo Hills a•jani Senior Medical & Health Officer Dr A.M Sangma, jinmana aganprakengon, ia banana fest-ko ong•atani bidingo talate on•angenba, te•rikrangni be•enna namgnirangni gimin aganangenba, Ayushman Bharat-ni bidingoba jinmana talate on•angjolaha.
Ia tom•anio North Garo Hills a•jani Horticulture Development Officer Jakrim Ch Momin-ba jinmana aganprakengon, game ge•e cha•giparangni man•gniko bariatanio Agriculture aro Horticulture-ni nangchongmotgipa ong•ani bidingo aganangaha.
Ia Banana Fest-ko ong•atanio Resubelpara-o bading chiwale cha•enggipa manderangoni saksa Sengmin K Marak, an•tangni bading chiwalaniko a•bachengatani bidingo janapatenba, sakgipinrangnaba didiani kattarangko aganangaha.
Bakrime Self Help Group (SHG)-ni membor Salje Mary D Sangma, jean a•songni Prime Minister Narendra Modi-ko grongna cholko man•engachim, uaba Hub News baksa agangrikengon, an•tangni chu•sokgipa ong•anichi Prime Minister-ko grongna cholko man•engani gimin kusi ong•aniko parakangaha.
Ia Banana Festival-ko ong•atanio North Garo Hills a•jani District Social Welfare Officer Norimchi Sangma-ba Hub News baksa agangrikengon, Poshan Maah-ni bidingo aro ia Banana Festival-ko ong•atani bidingo talataniko on•angaha.
Ia Banana Fest-ko ong•atanio dingtang dingtang stall-rang, te•rik chips, te•rikni ruti, jam, te•rikni butter, te•rikni cake aro te•rikoniko tarigipa dingtang dingtang cha•anirang baksana sika koani, wata chengani aro uandakgipa bosturangkoba mesokna aro palna sim•na gita dontokaha.
Iakoba poraie nina man·gen: Tura Govt Boys HS School-ni annual sports-ko ong•atenga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
