Golaghat, Jan 3: Budbar pringo, Assam a•dokni Golaghat a•jani Balijan, Dergaon sepangjolo, dal•gipa truck aro bus baksa su•gakgrikenba a•sel ong•anio, truck driver-ko chanchapenba sak 12 manderang siaha aro sak 30 mangni gita saknaatako man•aha.
Indake, Budbar pringo, ia bus, sak 45 manderangko gatenba, Golaghat-ni Kamarbandha-o donggipa Tinsukia Tilinga Mondir-ona picnic cha•na gita re•angengmitingo, te•rikrangko salgipa truck baksa su•gakgrike a•sel ong•aha, ine Golaghat Superintendent of Police, Rajen Singh aganaha.
Saknaa man•gipa manderangko sanna bannaniko dakna gita Jorhat Medical College-ona ra•angaha.
Ia a•sel ong•anigimin kobor ra•timgiparang baksa agangrikengon, “Ia a•sel pringni 4:30 mango ong•aha. Indake, gari bolsa Kamarbandha-oni re•bagipa ong•achim aro uamang Golaghat-oni Tinsukia-ona, Mandir-ona re•angengachim, indake ong•engon, gipin gari baksa su•gakenba, ramao ia a•sel ong•aha. Ia bus-ni ning•o chu•gimik sak 49 manderang dongachim, uarangoni sak 31 manderangko Jorhat Medical College-o donengaha aro ianoni sak 2 manderang bilongbee saknaatako man•aha. Iani gisepon, doctor aro surgeon-rang, bil ama dipet uamangko sanna bannaniko aro nirok simsakaniko dakenga”, ine Golaghat a•jani Deputy Commissioner, Uday Kumar aganangaha.
Iakoba poraie nina man·gen: Manipur-o so•sojengjeng ong•engoba jinma bi•anichi gital bilsiko manianga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
