Jowai, March 09: Jaintia Hills Autonomous District Council-ni budget session-na tom·aniko Bristibar salo ong·atanganio, Council-ni Chief Executive membor (CEM) aro Finance-koba jako ra·enggipa Pa Thombor Shiwat, gong kror 30,60,14,100-ni Deficit budget baksana 2023 oni 2024 bilsiona ra·baenggipa budget-ko jinmaona ra·bae chanchirimaniko dakangaha.
Budget-ni gimin janapatengon, man·anirangko hisape man·aniara gong kror 172,59,38,400 ong·a, indake koros ong·anirangko hisape man·aniara gong kror 205,19,52,500 ong·enga ine parakataha.
Pa Shiwat-ni janapatani gita, man·anina bate korosrang ong·batani a·selara JHADC-ni staff-rangna dormaha on·aniko aro pension-ko bariatanichi, JHADC Members Pension Act 2009-ko ra·gatanichi aro minggipin nangarangna jakkalanichi ong·a ine parakataha.
Koros ong·gnigipana tangkarangko jakkalna man·na gita, Major aro Minor mineral-rango Taxation department-ni kajinako aro motor vehicles-ni kajinako Executive committee bariatgen ineba council-ni CEM parakataha.
Salni tom·anio, JHADC (Trading by Non Tribal First Amendment) Rules, 2023-ni giminba council-ni memborrang chanchirimjolaha.
