Williamnagar, June 30: Sukrobar salo, Meghalaya a•dokni PHE Minister Marcuise N Marak, PHE-ni Additional Chief Engineer Sanjay Kumar Gajmer, Superintending Engineer Saljrang M Sangma, PHED Simsanggre Division-ni Executive Engineer Sujeet P Marak aro SDO Tengchrang G Momin baksa, Samanda-o dal•dapatenggipa Greater Water Supply Scheme-ko niangaha. Ia scheme-ara Jal Jeevan Mission 2021-ni ning•o ra•chakgipa scheme ong•a aro ian Samanda jolo donggipa dam 20 songni 1410 nokdangrangna ringani chiko on•enggipa scheme ong•achim.

Ia Samanda Greater Water Supply Scheme-ko niangani somoio PHE Minister, Megagre Songgital-o donggipa Water Treatment Plant-koba niangjolaha aro ia biaprangko niangani ja•man ua Samanda Megapgre Community Hall-o songni manderang baksa tom•anikoba ong•atangaha.

Ia tom•anio songni manderang, PHE Minister baksa agangrikengon, an•tangtangni songo ringani chirangko chu•onga gita man•jaengani gimin suk ong•gijaniko parakangtokaha aro uamangna PHE-ni SDO Tengchrang G Momin, agan-talatanirangko on•angskaaha.

Ia tom•anio PHE Minister aro Williamnagar-ni MLA Marcuise N Marak, songni manderang baksa agangrikengon, chirangko uamang pilaknan chu•onga gita on•gen ine ku•rachakaniko on•angenba, ong•gija kamrangko ka•jachina aro sorkarini kamrango bakrimaniko on•china songni manderangko didiangaha.

Mitam manderang, chi tengkirango niam gri napenba, chi watenggipa ostrorangko nosto ka•enga aro iani a•selan songni manderang chirangko chu•onga gita man•jaenga ineba Marak, songni manderangna talate on•angaha.

Indake ong•engon, ia scheme-ni ning•o man•enggipa IEC-ni kamrangko ia songrango ka•china gitaba PHE Minister, JJM-ni DPMU-ko didiangaha.

Iakoba poraie nina man·gen: Manipur-ni relief camp-rangko Rahul Gandhi nianga

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub