Agartala, Nov 29: Constitution-ni Article 2 aro 3-ni ning·o ‘Greater Tipraland’ ba Tripura a·doko songdongenggipa Tribal-rangna dingtang a·dokko dabienggipani bidingo Tipra Motha Party (TMP)-ni dilgiparang Mongolbar salo, Ministry of Home Affairs (MHA)-ni advisor AK Mishra-ko Agartala-o grongaha.

Mishra-ko grongani ja·man kobor ra·timgipa manderang baksa agangrikengon, uamangni ‘Greater Tipraland’-na dabienganiko ma·mong sorkari knachakna nangchongmota aro iani bidingo an·tangtangni chanchianiko uamangna talate on·na nanga ine TMP-ni dilgipa Pradyot Bikram Manikya Deb Barman parakataha.

East Pakistan-o songdongenggipa manderangkoba Urdu ku·sikko jakkalchina gita Pakistan a·song draahani a·selsa 1948 bilsio dingtang a·songna dakgrikna a·bachenge Bangladesh a·songko man·aha ine toe janapatengon, apsan daken Tribal-rangni ku·sikkoba pilakan mande ra·na nanga aro Tribal-rangnaba ku·tangchi sea jotanirangko nanga ine Barman aganaha.

Batanggimin jarangonin Deb Barman-ni dilanichi TMP-ni dilgiparang, Union Home Minister Amit Shah aro Assam a·dokni Chief Minister Himanta Biswa Sarma-ko gronge, ‘Greater Tipraland’-na dabienggipani bidingo baditaba chang agangrikahachim indiba uamang, Tripura a·dokko bak ka·na man·jawa ine uamangni dabianiko jechakataiahachim.

Iakoba poraie nina man·gen: ‘Dr Mukul BJP-o napgenchimode party-na nambatgenchim’: Rikman

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub