Shillong, Jan 29: Greater Tura Urban Water Supply Scheme-ko ra•gatanichi Tura songjinmao songdongenggipa manderangna chu•onga gitan chirangko sokate on•na man•gnok aro ia project-ko ja 24-oni ja 36-ni gisepon matchotna ka•dongengani gimin ian ge 6000 nokdangni sak lak 1-na baten manderangna chirangko on•na man•gnok.
Ia project-ni gamchatgipa ong•aniko a•dokni PHE Minister Marcuise N Marak, talate on•angengon, gitcham Tura Water Supply Scheme-ni ning•o Tura-o songdongenggipa manderangna chu•onga gita chirangko on•na man•jaengani gimin ia Greater Tura Urban Water Supply Scheme-ko sorkari a•bachengatenga ine parakataha.
Minister-ni aganani gitade, gitcham Tura Water Supply Scheme-ko bak gittam dake tariahachim indiba skanggipa aro gnigipa bakrangko bariatani ja•manba Tura-o songdongenggipa manderangna chirang chu•ongkujaengachim.
Jal Jeevan Mission (JJM)-ni ning•o ia Tura Water Supply Scheme-oniko mitam chonchongipa songrangna chiko sale on•ahani a•selba chirang chu•ongjaha ine janapatengon, iani giminsa Greater Tura Urban Water Supply Scheme ine brigipa bakko a•bachengataha ine Marak aganaha.
Ia project-ni ning•o, Ganol chiringni ka•machipak dal•begipa dam damsako rikgen aro ia dam-onikon chirangko sale, Tura songjinmani bangki dongenggipa biaprangna watgnok ineba PHE Minister parakataha.
Ia scheme-ko gong crore 398.48 korosrangchi rikenga aro ia scheme-ni ning•o Tura songjinmani dam 37 gittimrangna chirangko watna sienga.
Ia Greater Tura Urban Water Supply Scheme-na adita salrangna skangsan, a•dokni Chief Minister Conrad K Sangma, pangchakanikoba songe on•angaha.
Na·simang ia video-koba nina man·gen:
Na·simang iakoba poraina man·gen: Tolegre songo ro•ong pil•gimin gitcham bimangrangko cha•uanina Rakkam suk ong•gijaniko paraka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
