Shillong, Feb 20: Ia bilsi Meghalaya a·doko gueni dam tang·onangani a·sel gue game ge·e cha·enggiparang neng·nikanirangko chagrongna nangtokengani gimin gue game cha·enggiparangna dakchakaniko on·na Minimum Support Price (MSP)-ko ra·gatna gita cholrangko sandichina Mongolbar salo, United Democratic Party (UDP)-ni dilgipa Lahkmen Rymbui, a·dok sorkariko didiangaha.
Iani bidingo Assembly session-o chanchirimaniona ra·baengon, ia bilsio gueni dam, re·anggipa bilsiona changgni komibatahani a·sel gue game cha·enggipa manderang noksan ong·atako man·e neng·nikanirangko chagrongna nangtokenga ine Rymbui parakataha.
Meghalaya a·doko songdongenggipa manderang guerangko game cha·na gisik nangbatrorobaengani gimin economy-ba tang·dobatengachim indiba bilsiantian gueni dam tang·onroroangengani a·sel gue game cha·giparang noksan ong·atako man·skana nangenga ine janapatengon, gue game cha·enggiparangna sorkarini gita tangka paisarangchi dakchakanirangko on·engan baksana a·doko game man·enggipa guerangko gipin biaprangchi watna miksonganirang dongama ine Rymbui, a·dok sorkariko sing·doangaha.
Ia chanchirimanina a·dokni Agriculture & Farmers Welfare Minister Dr Mazel Ampareen Lyngdoh, aganchakaniko on·angengon, Meghalaya a·doko gue game cha·anirang batrorobaengani gimin sorkari, pilakni gitan game ge·e cha·giparangna dakchakanirangko on·na jotton ka·enga aro a·dokni dingtang dingtang biaprango dam 46 gue tariani karkana (processing unit)-rangko kulie on·na man·aha ine parakataha.
Ia chanchirimanio a·dokni Chief Minister Conrad K Sangma-ba aganchakaniko on·angengon, gue game cha·enggipa manderangna sorkari pilakni gitan dakchakanirangko on·angkugen aro UDP MLA-ni nangnikenga gita MSP-ko ra·gatani bidingo chanchirimanggen ine ku·rachakaniko on·angaha.
Na·simang ia video-kobanina man·gen:
Na·simang iakoba poraie nina man·gen: Baljek Airport-ko chalaina 68 acre-rang a•arangko nangdapenga: Dhar
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
