Guwahati, Nov 15: Sukrobar salo, M/s de Havilland Canada, Civil Aviation Ministry baksa Seaplane demonstration ba chio jakkalgipa sildorengko Guwahati songjinmao donggipa LGBI Airport-oni Pandu Port-ona bilate mesokangaha aro ian Guwahati songjinmani Brahmaputra chibimao donggipa Pandu Port-o skanggipa seaplane-ni onchongeaniba ong·aha.
Chio jakkalgipa sildorengrangko bilate mesokanio, Assam-ni Tourism Minister Jayant Mallabarua aro gipin dilgiparangba Pandu Port-ona re·bae niangtokaha.
Ia seaplane demonstration-ko ong·atani bidingo Assam-ni Tourism Minister, kobor ra·timgiparangna talate on·angengon, da·alo skanggipa changna seaplane, Guwahati songjinmani Brahmaputra chibimao onchongeaha aro ian India a·songo skanggipa changna seaplane-rangchi chibimao onchonganiba ong·aha ine parakataha.
Assam-o iandakgipa chimarang bang·en dongani gimin ia chimarangko re·a doani kolrangna jakkalna man·gen ine janapatengon, da·alo skanggipa changna Brahmaputra chibimao seaplane onchongahani gimin iachin Kaziranga, Majuli, Umrangsu aro uandakgipa tourist-rangni biaprangona chini ramarangko tariangna man·gnok ine Mallabarua aganaha.
Ia seaplane project-ko bilsisani gisepon matchotgen ine an·tangni ka·dongchakenganiko parakatskaengon, ia project-chi Assam-o Tourism-ni kamrangko dingtangatna man·gnok ine Assam-ni Tourism Minister aganaha.
Na·simang ia video-koba nina man·gen:
Na·simang iakoba poraina man·gen: Chang 13-gipa JICA National Workshop-o a•dokni Skotong Minister bak ra•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
