Guwahati, October 13: Guwahati songjinmani pilak sorok aro chiringrango durga mite-ni tarigimin bimangrangko chio galaniko nina sak hajalni hajal manderang tom•batokaha.
A•songni pilak biaprangon, Dashami Puja-ko mania jaman, mittam puja committee-ni manderang durga mite-ni tarigimin bimangrangko mijal salni bako chong•motan October 12 tariko chio galaniko dakanggenchim ong•oba, bang•bata puja committee ba dolrangan da•alo mite galaniko dakangskagen.
Songjinmani-o donggipa Fancy Bazar-ni Lachit Ghat aro Pandu-ni Pandu Port Ghat-o bang•bata puja committee-rang dongani kri bang•bata durga mite-ni tarigimin bimangrangko chio galaniko nikna gita man•aha, jeon sak hajalni hajal hindu bebe ra•giparang aro nina re•bagiparangni tom•aniko nikna gita man•aha.
Iani gisepon, Assam police dolrang, October 12 aro 13 tarikrango, durga mite-ni tarigimin bimangrangko galaniko tom•tome ong•atna man•a gita gari re•ruraanio adita champengatanirangkoba dakataha.
Durga Visarjan ian gamchatbegipa sal ong•a, jeon hindu bebe ra•giparang durga mite-ni tarigimin bimangrango bi•aniko dake bon•kamgipa salo ek•grikani salamko ka•rikani sal ong•a.
Durga Puja re•anggipa October 8 tarikoni a•bachenge durga mite-ni tarigimin bimangrangko galachi October jani 12 tariko matchotgen. Mite galani salo hindu bebe ra•giparang re•jomaniko dake, mite-ni bimang mikkango chrok mesaaniko dake chio gale matchotatgen.
Ia salni bako, hindu bebe ra•giparang uamangni bewalo manianiko daka baksana durga mite-o uamang pattianiko bi•ronga.
Na·simang ia video-koba nina man·gen:
Na·simang iakoba poraina man·gen: M’laya-o miterangko gale Durga Puja manianiko matchotata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
