Shillong, Dec 1: Social media-rango ga·subee gymnastic kal·e mesokaniko niksoani ja·man New Nongstoin-ni chadambe aro Nongstoin Youth Calisthenics (NYC)-ni membor Mebanrilang Lyngdoh Marshillong-ko nambate skie (training) on·dapangkuna gita Meghalaya Gymnatics Association (MGA) okamataha aro ia bilsi 17-san ong·kuenggipa chadambe, re·baenggipa December-ni 9 tariko Guwahati songjinmaona re·ange susaanio bakko ra·ena gita tarisamsoengaha.

Mebanrilang-ni ga·subee gymnastic kal·e mesokaniko video-rango niksoani ja·man, pilakan uni changa sapaniko nike namen aiao inmantokpilahachim aro uni iandakgipa changa sapaniko nike, MGA-ba uko nambata gadangona ra·doatna gita okamatskaaha.

Knasona man·ani gitade, Mebanrilang aro uni ripengrang, New Nongstoin-ni Nondein chiring sambao an·tangtang gym tarienba, pangnan ia biapo gymnastic-ko ranta ka·rongachim aro uandaken da·o ia chadambe niksengatako man·na a·bachengengaha.

Mebanrilang-ko MGA-ni membor-rang, Shillong-ni gymnastics training program-o napatenba nambate tarina a·bachengengaha.

Ia chadambeko dingtangmancha seokahani gimin kusi ong·aniko parakatengon, ian uamang dol gimiknan mikkim rasongniko ra·baani gita ong·aha ine NYC-ni president Aiborlang Marshillong aganaha.

Iakoba poraie nina man·gen: Mongmarangko nikdate gari a·sel ong·a

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub