Guwahati, Oct 5: Robibar salo Bodoland People’s Front-ni (BPF) president Hagrama Mohilary Bodoland Territorial Council-ni (BTC) Chief Executive Member-ni kamko jako ra·e ka·angna ku·mikchetaninko dakangaha.
Mikkarang jimbeanichi neng·nikanirangko man·genchimoba ia ku·mikchetaniko Assam-ni Kokrajhar a·jani Bodoland Secretariat Field-o ong·ataha. Ia apsan tom·bimonganion gitcham minister Rihon Daimary-ba Deputy CEM-ni kamko jako ra·na ku·mikchetaniko dakangaha. Chief Secretary Ravi Kota uamangna sakgninan ku·mikchetanirangko dakdilangaha.
“Manderangna ku·chaka mingprakko chinga chu·sokatgen. Chinga man·a dipet chingni songni-nokni manderangna dakchakgen. Chinga dondikgija kam ka·anichi aro ku·mong-nangrimanichi uamangni nengnikanirangko namatgen. Iarangko chu·sokatna chinga Assam sorkari aro an·chingni cabinet minister-rangko ching baksa bakrimna mol·molgen. Angna dakchakanina aro ka·donganina anga BTR-ni manderangko gisik-ka·tong gimikchi mitela,” ine Mohilary jinmana parakatangaha.
Ia tom·bimonganiona Assam-ni Governor Laxman Prasad Acharya, Skotong Minister Himanta Biswa Sarma, bang·a cabinet minister-rang, Tripura-ni Tipra Motha-ni dilgipa Pradyot Manikya Debbarma aro gipin agipi dilgiparang re·bae bak ra·angaha.
Ge 40 seat-rangoniko ge 28 seat-rangko ame, Kokrajhar, Chirang, Baksa aro Udalguri a·jarangko sason ka·gipa Bodoland Territorial Region-ko BPF jako ra·taina man·aha.
Manderangni seokanichi aro Hagrama Mohilary-ni BTC-ni dilgipa ine ku·mikchetanichi gital council-ko kulianira dal·gipa chu·sokani ong·aha ine Dr. Sarma parakataha. Manderangni dakchakanichi, Hagrama Mohilary re·baenggipa bilsi bongao namgipa dilgipa ong·anggen, tom·tomaniko rakkigen aro BTR-o silroro-namroroanina gital re·mikkanganirangko dakdilanggen ine an·tangni ka·donganikoba parakataha.
Uandake a·dok sorkari, gital BTC-na pilak bakrangon chu·gimik bakrimaniko on·gen ine Skotong Minister aganangaha. Una agreba, BTC-ni kam ka·anirang baksana, Assam sorkari ua jolrango dingtang dingtang silroro-namroroaniko ra·bagipa scheme-rangko a·bachengataha, aro bakrime kam ka·anirangchi, BTC-ni manderangni nangnikanirangko ru·utgija salrangni gisepon chu·sokatna man·gen ine ua janapangkuaha.
Pilak songdonggipa manderangni gisepo meli-nangrimanirangko ra·baanichi aro silroro-namroroaniko ra·baanio pilak dolrangni manderangna bak ra·na apsangrik cholrangko on·anichi BTR-ko nambata gadangrangona sokatna man·gen ine ua ka·donge aganangaha.
“Bodoland Territorial Council-ni CEM-na an·tangko ku·mikchete ra·anina anga Hagrama Mohilary-na an·tangni nama skaniko on·ata. Ma·mong sorkari aro Assam sorkar BTC sorkari-ko dakchakanggen aro an·ching pilakan bakrime Bodofa Upendranath Brahma-ni niksamsoaniko chu·sokatna aro silroro-namroroaniko ra·bana ku·cholsan kam ka·anggen,” ine PM Modi Social Media X-o parakataha.
Na·simang iakoba nina man·gen:
Na·simang iakoba poraina man·gen: West Goalpara-ni Bandita Devi Rabha, New Delhi-o PM-ni jakchi mande ra·pilskaaniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
