Vatican City, April 26: A·gilsak gimikni adita dal·dalgipa dilgiparang Sonibar salo Pope Francisko gopanio bak ra·na re·batokaha. A·gilsakni dal·dalgipa dilgiparang, president aro prime minister rang aro ramramgipa manderangba Popeko mande ra·na aro uko grongchotna re·baaha.
Pope Francis an·tangan onatbee aro ramrambee janggi tangmesokgipa dilgipa ong·a.A·gilsakni dilgiparang gita, bil man·gipa aro an·tangko chua gadango donge an·tangni bilko jakkale manderangko ning·ao done manderangko amgipa dilgipa ong·jaha batesa ua an·tangko onatbee manderangna mikkang nitegija ka·saaniko on·aha.
2013 bilsio jensalo ua Popena seokako man·ahachim unon ua “Francis” bimingko an·tangna baseaha. Ua St Francis Of Assisi ni mingnama gunrang gita janggi tangna skaha. St Francis Of Assisi kangalrangna ka·sagipa aro nangenggipa manderangna dakchake an·tangko onatbee janggi tanggipa ong·achim. Pope Francisni mangsunduk mangmangkoba ramramarigipa bolchi tariaha ian uni an·tangko onatbee aro ramrambee janggi tanganiko mesokaniba ong·aha.
Popeko gopani giljaona a·gilsakni dal·dalgipa manderang jekai US president Donald Trumph, gitcham US president Joe Biden, Ukrainian President Volodymyr Zelenskyy, UN General Secretary Antonio Guterrers aro Europen Union ni dilgiparang aro a·gilsakni gipin dal·dalgipa manderang dongpaaha.
Kalimpana re·bagipa manderang a·palo walrangko seng·ataha. Samtangtangchin manderang bang·beaha, kosako gita helicopter rang bilruraa aro uandaken ritcha hajal manderang Vatican-o tom·tokaha. Italy a·songoniba Sak 2500 policerangko aro sak 1500 Security rangko ianona watataha.
Pope Francis Latin Americani aro Jesuitrangoni skanggipa Pope ong·achim. Ua pneumonia saako man·e adita namkalangani ja·man mija Easter monday-o a·gilsakko watangaha. Ua bilsi 88 ong·e janggi tangangaha. Hajalni hajal manderang uko mande ra·na aro bon·chote gronggrikna re·batokaha. Uko St Peter’s Basilica-o gopaha.
Na·simang ia video-koba nina man·gen:
Na·simang iakoba poraina man·gen: Tikirkilao SPARK campko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
