Tura, August 13: ‘Har Ghar Tiranga’ Campaign-ko gipatna aro chang 79-gipa Independence Day-ko manina inenba, 200 Battalion Border Security Force-ni officer-rang, Subordinate Officer-rang aro ka•donggipa sipairang, da•asalni bako Motorcycle Rally-ko ong•ate a•songtangna ka•saani aro nangrimaniko mesokangaha.
Ia rally-ko BSF Campus, Danakgre-oni a•bachenge, P.A. Sangma Stadium, Tura-o matchoteaha. Iako ong•atani miksonganiara songdonggipa manderangko noktangtango a•songni nisanko songchina didia baksana a•songtangna rasong chana aro ka•sana gisik ra•ataniko on•a.
BSF-ni sipairang motorcyclerangko salani ganding-chindingko ganne, a•songni nisanko songe, sulsul dake salangaha aro ramao bang•a manderang uamangko nirikaha. Bang•a manderangan sorokrango riting riting dake donge uamang baksa Jai Hind aro Bharat Mata Ki Jai ine chrikpaaha.
Ia rally-ko ong•atanichi Tura-ni manderangna Independence Day-ko manianio gisik ka•tong gimikchi bak ra•china didianiko on•anga baksana August 13-oni 15-ona National Flag-ko noktangtango songna gisik ra•ataniko on•angaha.
Border Security Force, a•songni sima ari-rango dongtime a•songko naljoke rakkina aro a•songo songdonggipa manderangko a•songtangna ka•saatna krenge kamrangko ka•enga.
Na·simang iakoba nina man·gen:
Na·simang iakoba poraina man·gen: Ri-Bhoi a·jao bijoli tik ong·jaengani bidingo nirokatna Minister ku·rachaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
