Shillong, Apr 26: Sukrobar salo, School Education & Literacy-ni Director, Swapnil Tembe, a•dok gimikon sal rakchange ding•anirang batroroengon, skulo poraienggipa chatro chatrirang aro staff-ni manderangni naljokanina, adita dakna nanggni ja•kurangko ja•rikchina u•iataha.
Indake ia ge•etanio, pilak skulrangan, a•palo daka rikanirang ba kal•susaanirangko dakatjachina, skulrango chu•onga gita ringani chi aro salakkimgipa biaprangko chatro chatrirangna on•china aro maibakai chatro chatrirangoni be•enni chirang ran•ataniko man•e nombokgenchimode, sepangbatgipa healthcare centre-rangona rimange sanna bananiko on•china ine janapataha.
Unbaksana, chatro chatrirang chu•onga gita ama dipet chirangko ringchina aro an•tangtangni chi bottle-rangko ra•bitbachina, chatro chatrirangni be•enni chi rangko rakkina gita, ORS ba uandake kakjioniko tarigipa ka•singipa ringanirangko skulrango donchina inenba a•dok sorkari didiataha.
Saljatchini somoio chong•motan, 12:00-3:00 bajimangni gisepo, sal chakjachina ba skulona re•baani aro re•angani somoio, topi ba chattarangko jakkalchina aro ja•kop gangija ja•rara re•anirangko dakjachinaba didiataha.
Una agreba, pilak skulrangan rang•gitik nangengani somoio ta•rake dakchakaniko on•a man•a gita songsalo dilgiparang, emergency service-rang aro sanna bannaniko on•enggipa dolrang baksa bakrime dongchina ineba sorkari ku•pattiataha.
Na·simang ia video-koba nina man·gen:
Na·simang iakoba poraina man·gen: West Garo Hills-o sakgni kae sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
