Shillong, Feb 20: Sombar salo Khasi Hills Autonomous District Council (KHADC)-ni Elaka department, election-ko ong•atangenba, Paiem Ainam Manik Syiem-ko Hima Mylliem-ni gital Syiem-na seokaha.
Gital Syiem-ko seokna election-ko ong•atanio sakbonga candidate-rang susaangaha aro gital Syiem-ko seokgipa sak 41-oni sak 10-de sokbajahachim. Seokgipa sak 31 manderang pilakan Paiem Ainam Manik Syiem-na pu•ontokaha.
Gital Syiem-ko seokani ja•man election report-ko da•o ong•atna sienggipa KHADC-ni session-ona ra•anggen aro gital Syiem-na KHADC, Confirmation certificate-ko on•anggen ine ia election-ni Returning Officer C Pohlong parakataha.
Gital Syiem-na susagipa gipin candidate-rangara, Samran Sing Syiem, Pynshailang Syiem, Banteilang Syiem aro Mansan Manik Syiem ong•achim.
