Imphal, April 13: Manipur-o da•al pringni bako, Imphal East, Kangpokpi aro Ukhrul district-ni rama bibrarango, mongsongbate East Imphal-ni Moirangpurel aro Kangpokpi biaprango pring 8- bajioni bilongbee gogrikanirang a•bachengaha.
Thoubal district-ni Heirok aro Tengnoupal-ni gisepgriko salgni joljol gogrikanirang jaman, Kangpokpi aro Imphal East-ni, silchidare ra•bitgipa dengggu dakgipa dolrang nanggrikani a•sel Moirangpurel-o obostarang namjabatroroangaha. Jensalo ua jolo songdong a•chaenggipa songni manderang Kangpokpi-ni denggu dakgipa silchidare ra•bitgipa dolrangni kosako jakbikpilaha ia gogrikanirang salni 1-bajirango dontongatako man•aha.
Songdongkamgipa manderangni aganani gitade, ia ong•a obosta pilakan Kuki bobil dolrang jemangan chingni songdongram biap sambaon a•ningo a•tip dake dongenba ia namgija kamrangko dakchina didianiko dakenga aro songko nokko chelchakgiparang baksa mikkangchake warachakona sokatenga. Manipur police dolrang, ong•enggipa golmalko tom•tomatna biapona sokangon, uamangni garioba adita guli nangako man•aha.
Kuki bobil dolrang, a•damko wate katangan baksana uamangni mata bua man•gipa dolrangkoba galangaha.
Silchidare gnanggipa songko nokko chelchakgipa dolrang, bobil dolni sakgni mata buako man’gipa manderangko man•aha. Sorkarini chelchakgipa dolrangni ganggopanichi da•o obostarang tom•tom ong•enga.
Kangpokpi dolrangoni sakgni mata buako man•giparangna agreba bang•an mata buarangko aro saknaanirangko man•enggnok ineba chanchichipenga.
Kangpokpi, Ukhrul aro Imphal-ni rama bibrani wilwilao donggipa biaprango kena nanganirang bangen dongkuenga.
Na·simang ia video-koba nina man·gen:
Na·simang iakoba poraina man·gen: West Kameng district-o eleksini bidingo nanggrikanio saksa so•otako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
