Tura, May 5: Sombar salo, Higher Secondary School Leaving Certificate (HSSLC) Arts, Science aro Commerce porikkani result-rangko Meghalaya Board of School Education (MBOSE) parakataha aro ia stream minggittamon, Shillong-ni Laban Bengalee Boys Higher Secondary School, St Edmund’s HS School aro St Anthony’s HS School, skanggipa biaprangko man•e chu•sokgiparang ong•aha.
Science stream-o Laban Bengalee Boys HS School-ni Saptarshi Bhattacharjee, 483 mark-rangko man•e, Top 10-ni skanggipa biapko man•aha, uni ja•man St Anthony’s HS School-ni Drishana Roychowdhury 477 mark-rangko man•e gnigipa biapko man•aha aro St Anthony’s HS School-ni Shweta Sharma 473 mark-rangko man•e, gittamgipa biapo chu•sokangskaaha.
Arts stream-o Top 10-ni skanggipa biapko St Edmund’s HS School-ni Albert Mate aro Idawanplishisha Swer, 455 mark-rangko man•e sualgrikaha, uni ja•man gnigipa biapko Nongpoh-o donggipa St Paul’s HS School-ni Nelly Mary Khyndeit, 451 mark-rangchi man•skaaha aro gittamgipa biapko St Anthony’s HS School-ni Safilia Wahlang 450 mark-rangchi man•rikskaaha. Ia chang HSSLC Arts porikkani Top 10-o Tura Don Bosco College (Hr Secondary Section)-ni Neev Sharma-ba 448 mark-rangko man•e, brigipa biapko ra•rikskaaha.
Commerce stream-o St Anthony’s HS School-ni Disha Chokhani, 481 mark-rangko man•e, Top 10-ni skanggipa biapko man•aha, uni ja•man Laban Bengalee Boys HS School-ni Nishan Talukdar 476 mark-rangko man•e gnigipa biapko man•skaaha aro Laban Bengalee Boys HS School-ni Dipankar Barua, 468 mark-rangko man•e, gittamgipa biapko man•skaaha.
Na·simang ia video-koba nina man·gen:
Na·simang iakoba poraina man·gen: Tura-ni Holy Cross aro Christian Hospital-rangna crore-prakni cheque-rangko CM on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
