Ukhrul, October 4: Manipur-ni Hungpung song, jekon Hundung ineba mingachim, ian Tangkhul Naga jatrangni songdongram biapsan ong•aigija, uamangni itihas aro jatni dakbewalrangko ripinge rakkiani biapba ong•a. Hungpung Hamleikhong, jatni dakbewal rikbewalrang aro jatni gamrangko ripinggipa biap ong•an baksana, uamang Tibeto-Mongoloid-oni ong•bagipa jatrang ine u•ina gita man•aha.
Tangkhul-rang jeni ma•gitcham pagitchamrangko Hao jat ineba u•itokachim, ia jatrang bilsi ritcha 14-oni ritcha 15-gipa bilsirango, Hungpung-o songdong a•chana skang Chindwin chibima sambao donggipa Taungdut, jekon da•o Myanmar ine mingahachim unoni jitbagiparang ine bebe ra•a.
Itihas-o serikani gitade, namen mingsingako man•gipa British anthropologist, T.C Hodson-na aro Tangkhul Nagarangnaba, Hungpung dingtang dingtang biapona jitangna gita jakkalgipa bijangchigipa biapba ong•achim. A•dokni dingtang dingtang biaprangona apjitangna skang, ia jatrang Manipur a•dokni Senapati a•jao donggipa Makhel songoni re•chakataniko a•bachengataha. Song nok jitani somoio, ia jatrang uamangko dilgipa ba nokmani dilanichi aro tik ka•anio pangchake songdong a•chaaniko dakangaha. Tangkhul jatni nokmarang joltango namen bil man•giparang ong•achim aro badia dol badia biapo donggen uko tik ka•an baksana jolo niam rakkigiparangni kosakoba bilrangkoba jakkalna gita man•pilachim.
Hungpung-ni mingsa aiao inmanpilgipa jatni ripinganiara uan dingtangmancha a•ani me•dikko tariani ong•a jekon Tangkhul Naga jatrangoni banggija ma•chongrangsan ranta ka•aniko dakaiachim. Gipin jatrangde chakka wilwilate tarigipa a•ani me•dikrangkosa jakkala, indiba Tangkhul-ni tarigipa a•ani me•dikrangde jaktingtingchi tarigipa ong•a.
Hamleikhong songni bimungko, Hungpung aro Longpi jolrango a•ani me•dikko tarianio jakkalgipa ro•ongni cha•am ba Hamleikhong bimungoniko ra•aha. Hungpung-ni me•dik tarigiparangko me•dik tarianio Marailung ingipa gisimgipa rongterangko jakkalna sapanina mingsinga, jekon binekkningatenba, an•cheng baksa brine jamano nongenba a•ani me•dikko taria. Longpi songo ia dakbewalko da•alona kingkingba ja•rikaniko dakengkua aro ia songan skang chengoni jaktangchi tarigipa dakbewalko ripingbagipa damsa mangmang song ong•enga.
Ia jolo jaktangchi atte gitchi dokgipa manderang, noko jakkalani dingtang dingtang bosturangko tarina namen sapbegiparangba ong•a.
Minggipin itihas-o nangchapgipa golpoara, Hungpung aro Hunphun jatrangni gisepo sima ari-na kajia nangani ong•a. Sima ari songani bidingo kajia nanganiko tom•tome namgrikatna man•aniko da•alona kingkingba uamang aganritingbakuenga.
Hungpung Hamleikhong biapara, Tangkhul-rangni ong•bachenganiko mesokanisan ong•aija, indiba ian poraianio sandirikitaniko dakgipa aro tourism-ko tangdobatatanina gitalgipa cholrangko nakatatgipaba ong•enga. ( Waari Singbul Network)
Na·simang ia video-koba nina man·gen:
Na·simang iakoba poraina man·gen: Garo Hills-o dongtonggija mikka waanganichi a•arang be•anio sak 3 so•otako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
