Shillong, Nov 8: Sakantini ka•donge nisengsoenggipa I-League 2023, an•saopile Meghalaya-o a•chengtaiengaha, aro ia kal•susaanio skanggipa changna susaataianiko dakna gita Shillong Lajong FC name tarisamsoaniko dakengaha. Ia kal•susaaniko Bristibar salo, Shillong Polo-ni SSA Stadium(First Ground)-o kal•anggen.
Batanggimin bilsi 4-ni gisepo ama cha•enba napchipe dongani jamano, Shillong Lajong FC-na kale on•gipa chadamberang, Shillong songjinmao uamangni robol tingna gisik nanganiko tangchaatpilna gita gisiko sikbeahachim. Batanggimin November 3 tariko, uamangni Mohammedan Sporting baksa robol tingsusaanio biltinggrike goal-prak man•enba nisoenggipa sakantikon an•saoataha.
Mikkangchi, NEROCA baksa susaanio kal•gnigipa chadamberangara, goalkeeper ong•gnigipa Neithovilie Chalieu, unbaksa kal•nasienggipa Ronney Kharbudon, Kynsailang Khongsit, Damaitphang Lyngdoh, Takuto Miki, Hardy Cliff Nongbri (Captain), Phrangki Buam, Abdou Karim Samb, Daniel Goncalves, Allen Lyngdoh Nongbri aro Renan Paulinho de Souza ong•achim.
Iakoba poraie nina man·gen: JJM-ni ning•o M’laya Water Smart Kid campaign-ko CM a•bachengata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
