Shillong, Nov 8: Bi•sarangna chirangko chimonge jakkalani bidingo ma•siate on•na gita Jal Jeevan Mission (JJM)-ni ning•o Meghalaya Water Smart Kid campaign-ko Budbar salo, Meghalaya a•dokni Chief Minister Conrad K Sangma a•bachengate on•angaha.

Ia Meghalaya Water Smart Kid campaign-ko a•bachengate on•anganio a•dokni Chief Minister, jinmana aganprakangengon, mikkarang waanichi Meghalaya a•doko bilsiantian billion cubic litre 63 chirangko man•rongenga indiba a•doko billion cubic litre 1-kosan rakkirikna man•enga ine aganaha.

A•gilsak gimiko Meghalaya a•dokba sosibatsranggipa biaprangoni damsa ong•a maina bilsiantian mikkarang waanichi a•doko billion cubic litre 63 chikode man•engachim ine janapatengon, ia billion cubic litre 63-oni billion cubic litre 31-de Bangladesh a•songona aro billion cubic litre 31-de Assam-onasa jokangskaenga ine Chief Minister parakataha.

A•doko chirangko rakkie donna gita a•dok sorkari dingtang dingtang ja•kurangko de•enga ine janapatskaengon, ia kamrango externally aided project (EAP)-rangchi aro India sorkarini Jal Shakti Ministry-ba dakchake on•enga ine Chief Minister aganaha.

JJM aro EAP-rangni dakchakanichi a•dokni PHE department, gong crore 8000-mangni gita tangka paisarangko man•aha ineba ua aganaha.

JJM-ni ning•o Meghalaya a•dokna ‘best performer’ ba nambate kam chu•sokatgipani boksisko Jal Shakti Ministry-ni gita on•aha ine janapatengon, da•o dipet Meghalaya a•doko lak 4-na baten nokdangrangna chi pipe-rangko sale on•na man•aha aro 2024 bilsini March jani gisepode donsoenggipa lak 6 nisanko matchotatna man•gnok ine Chief Minister parakataha.

Ia program-ko ong•atanio, Ri Bhoi a•jani Lumshyiap Village & Water Sanitation Community, West Garo Hills a•jani Darechikgre Village & Water Sanitation Community aro West Garo Hills a•jani Dura Kantagre Village & Water Sanitation Community-na a•dokni Chief Minister Conrad Sangma aro PHE Minister Marcuise Marak-ni jakchi boksisrangko on•angjolaha.

Through community participation in the implementation of Jal Jeevan Mission, Meghalaya is already leading the way as a top performer in the scheme nationwide and with the participation of school students, our approach towards sustainable water conservation is further empowered. I… pic.twitter.com/UUDqU8jXmA

— Conrad K Sangma (@SangmaConrad) November 8, 2023

Iakoba poraie nina man·gen: Bharat Scouts & Guides-ni Rajya Puraskar Rally-ko ong·ata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub