Shillong, Nov 26: I-League 2023 robol kal·susaanio Shillong Lajong dol, Manipur a·dokni Tiddim Road Athletic Union (TRAU) FC-ko goal 2-1-chi chena man·aha.

Ia kal·susaaniko a·bachengata bakan TRAU FC, goalsa-ko chipchengna man·ahachim indiba minute bongani gisepon, Shillong Lajong dolni Captain Hardy Cliff Nongbri-ba doltangna goal-ko chipe on·skana man·aha.

Kal·susaani gnigipa bako Shillong Lajong dolni manderang, goal-ko chipna jotton ka·beoba chipna man·jaengachim indiba kal·susaani 87-gipa minute-o TRAU FC-ni MP Gogoi, an·tangan doltangni kosako goal chipmanaha aro uandaken Shillong Lajong, goal 2-1-chi chegipa ong·aha.

Ia bilsini I-League robol kal·susaanio ian Shillong Lajong dolni gittamgipa cheaniba ong·aha aro da·o 12 point-rangko man·e gittamgipa biapona gadoangaha.

Iana skang Shillong Lajong dol, NEROCA aro Sreenidi Deccan FC dolrang baksade biltinggrikahachim indiba uni ja·man Gokulam Kerala, Delhi FC aro da·o TRAU FC-ko cheskana man·aha.

Shillong Lajong dol da·o December-ni 3 tariko, Rajasthan FC baksa kal·angskagen.

Iakoba poraie nina man·gen: Shillong Lajong FC I-league kal•susaanio 5gipa biapko man•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub