Guwahati, Sept 19: Hindu-rangni manirongenggipa Ganesh Chaturthi-ko ia bilsi maniaona, Guwahati-oni Dr Ambedkar Youth Club, gimik foot 30 mangrogipa Ganesh miteni bimangko tarie Assam-ni skotong Guwahati songjinmao mija Sombar salo songe donangaha.

Batanggimin bilsi 37-rangna ia salko dal·e manidilbaenggipa Dr Ambedkar Youth Club, olakkigiparangko muni nangatna gita ia mangrogipa Ganesh miteko songjinmani Fatasil biapo songdime donaha aro ian da·odipetde Assam a·doko aro salgro-salaram a·jol gimikoba miterangni bimangko tarie songarangoni dal·batsranggipaba ong·gen.

“Chinga, ianpakde foot 30-ong·gipa Ganesh miteni bimangko, a·steoniko bimang tarina changgipa Kolkata-oni saksku manderangni jakmachi tariataha. Ia bilsio chinga, Chandrayan-3-o pangchake Ganesh Chaturthi-ko manienga. Da·anpakde chinga gong lak 10 tangkarangko chame donsoachim, aro ia bimangko tarina gong lak 2 koros ong·aha,” ine club-ni membor saksa K Shambhasiva koborna agan-talataha.

“Ia manianio, kg 20-ong·gipa Laddu-ko chinga Ganesh mitena pakwatanggen aro re·baenggipa September 27 tariko dam bang·bate bregipana dakiangskagen ineba ua agandapataha.

Iakoba poraie nina man·gen: Meghalaya-ni BSF, BWWA Day-ko Shillong-o manianga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub