Shillong, Sep 10: Meghalaya-oni me·chikrangni gisepo gun gnange nitobatgipako basee seokna gita mija Sonibar salo Shillong-ni U Soso Tham Auditorium-o ong·atanggipa Miss Meghalaya aro Miss Teen Meghalaya-ni grand finale-o Stella Khongsni aro Angelina Jackson-maang sakgni title-rangko chee niksengangaha.
Miss Meghalaya title-na a·dok gimikoni sak 19 me·chikrang susaangaha, jeoni Stella Khongsni, saksa nitobatgipa me·chik ong·e Miss Meghalaya 2023-ni title-ko cheasan ong·aigija, Miss Personality aro Miss Catwalk title-rangkoba chejolaha.
Unomiting Miss Teen Meghalaya-na susaanggipa sak 18 dambe me·trarangoni bilsi 18-ong·gipa Angelina Jackson, gun gnangbate nitoanichi Miss Teen Meghalaya 2023 title-ko cheangskaaha.
Shillong, St. Mary’s College-o Mathematics-ko Bachelor of Science (B.Sc.) dakenggipa Tra Stella, Miss Meghalaya-ni mukutko cheenba gong lak 1 tangkako boksis man·angaha, aro apsandake St. Mary’s Higher Secondary School-o poraienggipa Tra Angelina, uni Miss Teen title baksana gong hajal 25,000-ni cheque-ko ra·chakangskaaha.
Ia Miss Teen Meghalaya-na susaanio, minggipinrango gun gnange nitoanichi subtitle-rangko chegiparangonia, Genelia Dkhar, Miss Catwalk-ko, Palei M. Chyne, Miss Talented-ko cheaha, uandake Miss Personality-ko Gracie Nandy aro Miss Photogenic-ko Denice Kharkongor cheangskaaha.
Indake ong·engon, Miss Meghalaya-na susaanggipao, Stella Khongsni baksana minggipinrango gun gnange nitoanichi subtitle-rangko chegiparangoniara, Ibadonbok Shisha Marwein, Miss Talented-ko, Dipa Ghime, Miss Warrior Princess-ko aro Lavakeni Surong, Miss Photogenic title-ko cheaha, uandake, Miss Fusion Queen-ni mukutko Sanijaijai Khyriem, Eco Queen-ko Rida Maia aro Miss Congeniality-ko Remika Dkhar cheangskaaha.
Ia susaanio, judge-rang ong·e susagiparangni dingtang dingtang gunrangko nirikkianggiparanga, Ilasara Kharkongor, Charlee Lalthenmawia, Ketholeno Kense Vehienuo, Mr. S. Marwein, aro James Owen Farreira ong·a.
Ia bilsini Miss Meghalaya aro Miss Teen title-ko chegiparang, salgro-salaram a·jao aro a·songo mikkangchi ong·atgnigipa dingtang dingtang beauty pageant-rango Meghalaya a·dokni pal ong·e susaanggen.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
