Tura, Feb 9: Sombar saloni, sak 26,526 chatro-rang aro sak 37,861 chatrirangko man•chape chu•gimik sak 64,387 chatro chatrirang, Meghalaya Board of School Education (MBoSE)-ni ong•atenggipa SSLC (Class 10) porikkako seanggen. Jeoni Regular Category I-o sak 29,973, Category II-o sak 16,028, Private-o sak 1,455, Non Regular-o sak 1,884, Improvement-o sak 21 aro Compartmental-o sak 15,026 ong•gen.
Shillong (Khasi-Jaintia Hills) jolo dam 93 aro Tura (Garo Hills) jolo dam 71 center-rangko man•gope a•dokni dam 164 center-rango ia porikkarangko ong•atanggen.
Ge 698 chapatako man•gimin aro chapkugijagipa ge 1,198 institute-rangko man•chape chu•gimik ge 1,896 skulrangni chatro chatrirang ia porikkako seanggen.
Re•anggipa bilsio, sak 55,191 chatro chatrirangni porikka seanio 55.80% mangni gita chu•sokaniko man•aha.
Porikkako ong•atna gita tarisamsoani gitade, February jani 10 tariko – English, February 12 tariko – Indian Languages ba Additional English, February 14 tariko – Health & Physical Education, Computer Science ba Vocational Subject, February 17 tariko – Social Science, February 19 tariko – Science & Technology, February 21 tariko – Mathematics ba Special Mathematics-ni porikka ong•gen.
Pringni 10 bajioni a•bachenge salni 1 bajio ia porikkako matchotatgen. Porikka sechakani nokdringrangko pringni 9:30 bajio kulie on•gen aro question paper-rangko pringni 9:50 bajio suale on•anggen. Iani gisepon, Vocational subject-rangko porikka seanide salni 10 bajioni 11 bajionasan ong•aigen.
Na·simang ia video-koba nina man·gen:
Na·simang iakoba poraina man·gen: NIMAS dol, Brahmaputra chibima gimikko ring chobate nienga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
