Shillong, Feb 10: Meghalaya Commissionerate of Food Safety Department, Shillong songjinmani ramasamo dokkan dake cha•enggiparang on•gimin niamrangko ja•rikama ja•rikjaenga uarangko u•ina gita nirokeaniko dakangaha.

Mongolbar salo, Assistant Food Commissioner B. B. S Mukhim, bazar-o dokkan dake cha•enggiparangni bimung aro mai dokkanko dakengachim uarangko man•chape chu•gimik data-rangko chimongchina gita official-rangna ge•etaniko on•ataha.

Jinmani naljokani aro ramasamo palenggipa dokkanrangko name rakkina nangchongmotgipa ong•a ine Mukhim, kobor ra•timgiparangna u•iatangaha. Sorkari, ramasamo palenggipa dokkanrangko niamko jarike naljokani baksa tangka paisa kamaianio dakchakaniko on•a sikenga ineba ua parakataha.

Meghalaya Street Vendors Act, 2014-ko ja•rike ia ja•ku de•aniara, jinmani naljokani aro songjinmako rongtale rakkiani gisepon ramasamo pale simme cha•enggiparangni bilko chel•chakna miksonganiba ong•a.

Jinma roram biaprangko naljoke aro rongtale rakkiani baksana ramasamo pale simme cha•enggiparangko chel•chakna aro biaprangko name rakkina gita 2019-ni niamrangko ta•raken ra•gatna nanga ine Mukhim janapataha. Food Safety Department, pale simme cha•enggiparangko an•tangtangni bimungrangko segatchina gita u•iatangaha, maina mikkangchi uamang niamrangko ja•rikama ja•rikjaenga nirokeaniko dakangkugen.

Na·simang ia video-koba nina man·gen:

Na·simang iakoba poraina man·gen: 1st Kakripara Premier League-ko ong•atanio Thunderstrike Cricket Club chea

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub