Tura, April 28: Sombar salo, ICFAI University Meghalaya, Tura Campus-ni gita, Garobadha-ni St. Dominic Savio Higher Secondary School-o 2025 bilsini HSLC porikka semangimin chatro chatrirangna Career Counselling Program-ko ong·atangaha.
English and Communication Studies-ni Assistant Professor, Abijit Sarkar, Humanities aro Social Studies-rang maikai nangchongmotgipa ong·baroroan baksana chatro chatrirangna ning·tue chanchi bewalanirang, gital chanchibewalani aro dilgipa ong·na gita dakchakachim uni gimin aganangaha. IT-ni Assistant Professor, Sudam Chetry, Information Technology-o mongsongbate Artificial Intelligence aro Coding-ni a·bao kam ka·e cha·ani cholrangni bidingo aganangskaaha. Management-ni Assistant Professor, Chompaboti Hajong, Management, Commerce aro Tourism-ni a·bao mikkangchi janggi tangani cholrangni bidingo aganengon, soft skill-rang aro jaktangchi dake niani gamchatani giminba janapangaha. Uasan ong·aigija, ua chatro chatrirangna maidakgipa kamrang kragenchim uko u·ina gita adita an·saogipa daka rikani kamrangko dakataha.
A·gipibatgipa Admistrative Officer, Muktadul Hussain, chatro chatrirangna ICFAI University Meghalaya-o maidakgipa undergraduate aro postgraduate course-rangko on·engachim uni gimin agane ia program-ko matchotataha. Uasan ong·aigija, ua chatro chatrirangko dingtang dingtang poraiani a·bako dake nichina aro mikkangchina nambatgipa janggi tangani cholko seokchina gitaba didiataha.
Na·simang ia video-koba nina man·gen:
Na·simang iakoba poraina man·gen: NEHU campus-o police-rangko donatanina chatro chatrirang jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
