Shillong, March 30: Shella Bholaganj block-ni ning•o donggipa Coordination and Welfare Committee (CWC) dol, sakgni non-tribal manderangko budbar salo so•otanio Khasi Students Union (KSU)-rang jak dongpaa ine matnange aganangaha.
CWC dolko bilsi 2020-o, Shella Bholaganj jolo aro a•dok gimiko songdong a•chaenggipa dingtang jatrangni gisepgriko tom•tom ong•ani aro ku•mong nangrime janggi tanganiko ra•bapiltaina aro rakkiangkuna miksongenba a•bachengataha.
CWC dolni President Gopal Dey, a•dokni skotong minister Conrad K Sangma-na uni soi ka•gimin chittio, Ichamati-o CAA-ko jegalaniko dakmiting somoio non-tribal sakgni manderang, Ishan Singh aro Sujit Dutta, uamangko KSU-ni namgijagipa manderang ka•namgija so•otaha, ine matnangataha.
Antisani gisepo a•dokni police-rang ia case ni bidingo mamingkoba dakna man•jagenchim ong•ode, Central Investigation Agency-rang jekai Central Bureau Of Investigation (CBI) ba National Investigation Agency (NIA) dolrangna ia sakgni non-tribal Hindu manderangni case ko pakwate on•a nanggen ine didianikoba dakangaha.
Indake ong•engon, a•doko election Model Code of Conduct-ko ra•gata jamanoba, maina a•dokni police aro administration-rang tomaniko-ko ong•atna on•aha ine sing•doanikoba dakangaha.
Una agreba, CWC-ni President, niam retirang jean tribal manderangnasan chakbata, uni a•sel non-tribal manderang maikai nengnikanirangko chagrongenga aro uamangni tangdororoaniko aro jakgitelanikoba champengenga ineba chittio janapaha. A•dok sorkari ian badiaba jatnisan sorkari ong•a, indake ong•ja ong•ode Meghalaya-ni Majority Community ba KSU dolni manderang Ichamati-ona gario mande gape re•bae non-tribal minority community-ko chadrapenba doka satanirangko dake saksa Bengoli aro saksa Adhivasi manderangni janggiko gimaataha, ua a•sel ong•miting somoio police dolrang bachitoka ine sing•doanikoba chittio janapataha.
Ichamati-o pilak non-tribal manderangna naljokaniko on•china CWC-ni President, a•dok sorkariko, Bholaganj aro Ichamati biaprango CRPF ba gipin sipai dolrangko don•atna permanent security outpost-ko tariatchinaba molmolaniko dakangaha.
CWC dolrang, a•dok sorkariko sianggipa manderangna kakket bichalko on•china aro uamangni nokdangni manderangna on•pilskaaniko dakchinba molmolaniko dakangkuaha.
CAA- ni bidingo Ichamati-o KSU dolni saksa Lurshai Hynniewta-ni siani bilsi 4 tiktako, Ishan Singh aro Sujit Dutta-ni sianiara ua salko gisik ra•atani gita ong•aha.
Chittiko, Prime Minister Narendra Modi, Home Minister Amit Shah aro a•dokni Governor Phagu Chauhan-naba watataha.
Na·simang ia video-koba nina man·gen:
Na·simang iakoba poraina man·gen: Eastern Nagaland-na dingtang administration-ko ma•ekate on•jaode LS poll-o bak ra•jawa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
