Dimapur, Mar 30: Eastern Nagaland People’s Organisation (ENPO), Nagaland-ni dam 6 a•jarangna dingtang administration-ko ma•ekate on•china dabienba uamangni dabianirangko ma•mong chu•sokatkujaenga dipet, Lok Sabha Election-o bak ra•jawa ine parakataha.
Bristibar salo, dingtang dingtang dolrangni sak 20 MLA-rang baksa Tuensang-o chanchirimaniko dakani jamano, rebaenggipa April 19 tariko ong•atnasienggipa Parliamentary Election-o bakrimna jechakaniko Sukrobar salo changsatai ENPO parakataha.
ENPO, ian dol 7 Naga jatrangni bakrime kam ka•enggipa ong•a aro jatna warachakenggipa dol Nagaland-ni salaram jolni dam 6 a•jarango eleksin-na campaign ka•aniko jegalatanikoba dakaha.
Batanggimin bilsioba, uamang Assembly Election-o bakrimna jechakaniko dakahachim, indake ong•genchimoba Union Minister Amit Shah-ni ku•rachakaniko on•atanina uamang ra•galpilaha.
Indake, Nagaland Skotong Minister, Neiphiu Rio, an•tangtangni jattangchi jakgitele sason ka•gipa a•dok ong•na on•china a•dok sorkari didiataha inenba aganaha.
Indake, Nagaland-ni salaram jolko sorkari galchipe donenga aro a•jani dilgiparangko, a•song rikenggipa sorkarini chu•gipa gadangrango bak man•atkujaenga. Ia a•doko dam 20 Assembly seat-rang donggenchimoba, bang•gija dilgiparangkosan batanggimin somoirangoba seokaha. Indake, batanggimin eleksino ia a•dokni dilgipa saksa seokako man•aha aro ma•mong baksa bakrime dilna agangolpogrikanikoba dakahachim, indake ong•genchimoba, ia dabianiko chu•sokatkujaenga. Salaram jolni manderangko mikkang niteenga aro galchipenga ine chinga nikna man•enga inenba ENPO janapataha.
Na·simang ia video-koba nina man·gen:
Na·simang iakoba poraina man·gen: Guwahati-o Jubin Nautiyal-ni concert-ko tang•gitik don•tongata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
