38.3 C
Tura
spot_img

National Dengue Day maniani bako awareness program-ko ong•atanga

Must read

Tura, May 16: Tura-ni District Vector Borne Disease Control aro Tura-ni National Centre for Vector Borne Disease Control (NCVBDC), Rongkhon Tura-ni CTE, IQAC Cell baksa nangrimenba Rongkhon Tura-ni College of Teachers Education-o “Connect with Community, and Control Dengue” ia katta bichongko donnenba National Dengue Day-ni salko maniangaha.

Advertisement

Ia program-ko ong•atani miksonganiara, ganggu bitchi china kragipa chi skonge donggipa chirangko pakgale galchina, chirangko name pindape donchina, tusiani somoio (LLIN) ba mosorirangko jakkalchina aro be•en gimikko pindape bara cholarangko gannan baksana ganggu chikgijani samrangko nonganirangko dakchina u•iataniko on•a miksonganian ong•a.

Ia manianio, Tura West Garo Hills-ni Asst. Commissioner (U/T) Chaitanya Awasthi, mongsonggipa sokgipa ong•e bakko ra•angaha, indake, West Garo Hills-ni NCVBDC-ko nirokenggipa Dr. B. Ch Marak, Tura Zone-ni Entomologist Dringstone M Sangma, Tura CTE-ni Principal Dr. Meena A Sangma aro ia college-o poraienggipa chatro chatrirang aro skigiparangba iano bakko ra•angpaaha.

Advertisement

Dr. B. Ch. Marak, ia dengue saani ong•bachengani, maini a•sel ia saani ong•katachim aro maikai ia saaniko champengna gita man•genchim iarangni gimin u•iataniko on•angaha. Ia saaniara maikai batrikrikna man•achim aro somoi gita sanjagenchim ong•ode mairang ong•genchim uarangni giminba talate on•angaha. Ia dengue saaniko ong•atgipade Aedes gangguni a•selan ong•a, jean pringo aro salpaksa badeo chikgipa ganggu ong•a.

Advertisement

Tura Zone-ni ZE, Dringstone M Sangma, Tura Municipal area-ni ning•o entomological situation-ni gimin presentation-ko on•angengon, banggija salrangna skangsan ia dengue saaniko kobor man•anio bangbatan songjinma ba jillarangoni bangbata. Battanggimin 2023 bilsirango, jillao songdongenggipa sak 49 manderang dengue saaniko man•aha, jeon Tura police reserve-o donggiparangan bangbatgipa ong•achim ine koborko man•aha.

Advertisement

Ia program-ko dambe skigiparangna ong•ataniara namen songsalna gamchatbegipa ong•gen, ine Chaitanya Awasthi aganangaha. Maina ia dambe skigiparang uamangni chatro chatrirangna uamangni u•ianiko skie on•anggen aro chatro chatrirang iako nokrangtango jarikgen ong•ode, ian medical department aro administration-naba namen dakchakbeani ong•chongmotgen.

Na·simang ia video-koba nina man·gen:

Na·simang iakoba poraina man·gen: Climate Change Council baksa CM tom•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article